MGA VICE MAYOR NG LALAWIGAN NG BENGUET BUMISITA SA BITAG

October 14, 2022

Tags

Bitag Exclusives

Malugod na sinalubong ng pamunuan ng Bitag Multimedia Network (BMN) ang mga Bise-Alkalde ng Lalawigan ng Benguet nang bumisita ang mga ito sa studios ng Bitag sa Quezon City.

Personal na sinalubong ni Ben Tulfo, CEO & President ng Bitag Multimedia Network Inc, ang mga lokal na opisyal na bumubuo rin ng League of Municipal Vice Mayor of the Philippines – Benguet.

Ayon kay Roderick Awingan, Vice-Mayor ng La Trinidad, Benguet at Pangulo ng Liga, ang kanilang pagbisita sa Bitag ay bahagi ng tinatawag na “Presiding Officers Continuing Enhancement Program’ para sa mga Vice Mayor na siyang mga presiding officer ng mga Sanggunian.

Ayon kay VM Awingan, na siya ring tagapagsalita ng grupo, nagpapasalamat sila kay Congressman Eric Yap at sa ACT-CIS party list sa pagkakataong makabisita sa Bitag.

Ayon kay Awingan, ang pagtutulugan sa pagitan ng mga lokal na pamahalaan at ng pribadong sektor tulad ng Bitag na kilala sa ‘serbisyo-publiko’ ay malaking bagay para sa kanilang mga lingkod-bayan.

Samantala kasama ni Awingan na bumisita ay sina Vice Mayors, Arthur Baldo ng Sablan, Benguet; Dione Baucas, Buguias, Benguet; Fausto Labinio , Bakun,Benguet; Julio Joey Culliao, Mankayan, Benguet; Edwin Nitron, Kibungan, Benguet; Mayo Eslay, Kapangan,Benguet; Joselito Galao, Atok, Benguet; Erik Donn Ignacio, Bokod, Benguet at Mike Badival ng Kabayan, Benguet.

Kabilang sa mga binisistang lugar ng grupo ay ang Lungsod ng Marikina kung saan ipinakita sa kanila ang progama ng Marikina sa ‘garbage management at disposal.’