BITAG IWAS AKYAT-BAHAY TIPS: “LIGTAS UNDAS 2022”

October 29, 2022

Tags

Safety Tips

Sa taunang komemorasyon ng “Undas”, madalas umaatake ang mga kawatan, magnanakaw, akyat-bahay at mga mapanlamang.

Narito ang ilang simpleng tips ng BITAG Multimedia Network (BMN) upang hindi mabiktima ng mga kawatan:

I kandado ang lahat ng pinto at bintana; tiyaking na walang dadaanan ang sinuman na magbabalak pumasok at magnakaw. Block all entry points.Kung maaari, maglagay ng burglar alarm o serena sa mga pintuan para maalerto ang mga kapitbahay kung may nakapasok sa kabahayan.

Iwasang mag-iwan ng sulat sa labas ng bahay na nagsasabing walang tao

Kung may mapagkakatiwalaan, ibilin sa kapitbahay na linisin ang harap ng bahay lalo na ang mga mailbox.

‘Wag hahayaang naiipon ang mga bills o anumang sulat sa mismong tapat ng pinto o main entrance ng bahay. Ito ang madalas pamantayan o senyales ng isang akyat-bahay na walang tao sa loob ng pamamahay.

I tagubilin sa pinagkakatiwalaang kapitbahay ang inyong bahay at ipaalam din kung kailan kayo babalik.
Iwasang mag-iwan ng nakalantad na bukas na ilaw sa labas ng bahay. Mabilis maka-tunog ang mga magnanakaw dahil malalaman na walang tumatao sa pamamahay dahil hndi napapatay ang mga ilaw.

‘Wag din mag-iiwan ng nakasinding kandila, bukas na electric stove o appliances upang makaiwas sa trahedya tulad ng sunog tumutulong gripo ng tubig at naka-plug na appliances.

‘Wag hayaang mabiktima ng akyat-bahay, masalisihan ng mga kawatan, at maisahan ng mga mapanlamang.

Ang simpleng tips na ito ng BMN at ng programang Pambansang Sumbungan #ipaBITAGmo ay maaaring makapag-ligtas ng buhay at inyong mga ari-arian.

Mula sa pamunuan ng BITAG Multimedia Network (BMN), kami ay nagpapa-abot ng mapayapang paglalakbay, magnilay, gunitain ang mga namayapa, at sulitin ang bakasyon para sa mga mahal sa buhay!

HAPPY HALLOWEEN!