PINOY, “AYUDA” RAMDAM MO BA?

Sino ang hindi magkaka-interes sa ayuda? Instant cash – perang galing sa tao, babalik sa tao.

Ito ang malinaw na saysay kung bakit may ayuda.

Pumutok ang pandemya noong 2020, sinundan ng lockdown! Binalot ng takot ang buong mundo dahil sa Covid.

Tumigil ang maraming serbisyo. Walang trabaho. Kapos ang supply ng pagkain, gutom ang tao.

Antimano, tila naging ‘hulog ng langit’ sa mga Pinoy ang ayuda. P5,000 hanggang P8,000 ang instant cash na ipinamudmod ng Department of Social Welfare and Development (DSWD). Tinawag itong Social Amelioration Program (SAP).

Nanganak ang SAP, nagbunga ng iba’t ibang anyo ng ayuda. May tinawag na fuel subsidy, subsidiya sa pamasahe, food subsidy, food packs, at iba pang cash assistance sa ilalim ng Emergency Subsidy Program (ESP) ng DSWD.

Nasa ilalim ito ng mandato ng Republic Act (R.A.) No. 11469 o “Bayanihan to Heal as One Act” at JMC No. 1 Series of 2020.

Sa mismong konteksto ng SAP – malinaw ang mandato ng DSWD – ipamahagi ang available na pondo ng gobyerno para hindi gutumin ang milyun-milyong tao.

‘Yung mga nasa gitnang katayuan sa buhay, mga nasa laylayan – o kahit mga mayaman o kahit mga nag-mamamayan. – ‘grasya’ ang hatid ng ayuda, wala itong duda.

Ironic ‘di ba? Dahil sa Covid, naramdaman ng tao na may totoong gobyerno.

May perang nakalaan sa tao. Ang pera ng tao, kusang bumalik sa tao.

Ito ay aral ng nakaraan na siguradong tatatak sa salinlahing henerasyon ng mamamayan.

Sa darating na taon, papalo sa P206.5 bilyon ang gagastahin ng pamahalaan para sa subsidiya at ayuda.

Paraan ito ng pamahalaan para maibsan ang pagsisikip ng sinturon ng mga Pinoy dahil sa taas-presyo ng mga serbisyo at bilihin.

Sinikap ng Investigative Reportage ng BITAG Multimedia Network (BMN) na pulsuhan ang ‘Man on the Street’.

Mga pangkaraniwang Pinoy, ramdam mo ba ang “ayuda”?

PANOORIN: