‘PALUSOT’ NG MGA HOTEL, MOTEL: “BAWAL ‘YAN”

MGA ‘PULPOL’ NA PULIS, PWEDE BANG KASUHAN?

November 10, 2022

Sinong mas may karapatan sa mana: Una o pangalawang pamilya?

November 19, 2022

‘PALUSOT’ NG MGA HOTEL, MOTEL: “BAWAL ‘YAN” – ATTY. BATAS

Hindi uubrang depensa sa husgado ang palusot ng mga hotel/inn owners na walang pananagutan ang management sa mga mawawalang gamit kapag magcheck-in sa hotel, inns o sa mga motel.

Isa sa kasong inaksiyunan ng Pambansang Sumbungan: #ipaBITAGmo ang reklamo ng magnobyong nag-check in sa isang hotel sa Clark, Pampanga.

Limas ang gamit matapos looban ng mga magnanakaw ang kanilang inuupahang kwarto.

Nawawala ang kanilang Apple Macbook, Apple Ipad, Australian passport, necklace, mga bankbook, at cash na P20,000 at 700 Dollar.

Isinangguni ng #ipaBITAGmo sa resident lawyer ng BITAG Multimedia Network (BMN) na si Atty. Melanio “BATAS” Mauricio, kung may pananagutan ang mga hotel owners sa mga ganitong insidente?

Ayon kay Atty. Batas, hindi uubra ang mga palusot ng hotel na “The hotel will not be liable for the losses that will be incurred by the guest”.

“Hindi pwede ‘yan. Bawal po ‘yan sa ilalim Kodigo Sibil ng Pilipinas,” giit ni Atty. Batas.

“Sa ilalim po ng Artikulo 2003. ‘Yan ha, ng Kodigo Sibil ng Pilipinas, hindi po pwedeng alisin ang pananagutan ng mga may-ari ng hotel.”

Malinaw aniya sa Civil Code of the Philippines na may pananagutan ang mga hotel sa mga insidente ng nawawalang gamit.

“Dapat magbayad ang hotel sa dami ng danyos perwisyos dyan. Actual na actual sa mga gamit na nawala at doon sa sama ng damdamin pagkabagabag, pagkabalisa, pagkapahiya na nararamdaman noong mga guest.”

Para sa konkretong paliwanag ni Atty. Melanio “BATAS” Mauricio ukol dito panoorin.