Kahit may iniindang karamdaman, bumiyahe mula Davao Del Sur ang complainant na si Marvin Dicdican, marating lamang ang programang Pambansang Sumbungan: #ipaBITAGmo.
Si Marvin at dalawa niyang kapatid na may kapansanan – mga ulila nang lubos, ang kanyang sumbong inagawan silang magkakapatid ng mana!
Ang masaklap dito, mismong mga kapatid ng kamamatay nilang ina ang umagaw sa mga ari-arian at pera na dapat ay para sa kanilang magkakapatid.
Personal na nagsadya sa BITAG Multimedia Network (BMN) sa Quezon City si Marvin para isalaysay ang kanilang pinagdadaanan. Kuwento ni Marvin sa Pambansang Sumbungan: #ipaBITAGmo, taong 2003 nang sumakabilang buhay ang kanilang ama.
Namayapa naman ang kanilang ina nito lamang Agosto 26, 2021. Ayon kay Marvin, ang panganay nilang kapatid, may sakit na epilepsy. Habang ang isa naman, – bed ridden dahil sa stroke. At si Marvin, may iniindang sakit sa puso.
Sumatutal, si Marvin, bunso sa tatlong magkakapatid ang tumatayong ama at ina sa dalawang niyang kapatid na may kapansanan. Bukod sa pangungulila sa aruga ng mga magulang, matinding kalbaryo rin ang pinagdadaanan ng tatlong magkakapatid.
Dahil sa halip na awa at malasakit, unti-unti silang hinubaran ng yaman at karapatan ng kanilang mga kamag-anak.
Dating Konsehal ng bayan ang ina ng tatlong naulila. May naipundar na itong mga ari-arian at yaman bago sumakabilang buhay. Pinag-interesan daw ng kanilang mga kamag-anak ang mga naiwang ari-arian ng kanilang ina, partikular dito ang kanilang tiyahin na si Bernandita Nicabalo.
Kinuha raw ng Tiyahin ang mahigit P200,000 na huling sahod ng ina nila sa munisipyo ng Kiblawan, Davao Del Sur. Pati umano mga titulo ng lupaitinago nito. Ang natitirang negosyo na dalawang grocery stores, inagaw din. Ultimo mga sasakyan at iba pang ari-arian, isa-isa na rin daw kinukuha ng kanilang mga kaanak.
Hinaing ni Marvin sa Bitag, sinasamantala ang pagkakaroon nilang magkakapatid ng kapansanan at karamdaman ng tatlong naulila. Ang masaklap na pinagdaraanan ng tatlong magkakapatid, tinutukan at inaksyunan ng nag-iisang Pambansang Sumbungan: #ipaBITAGmo!
Tutukan:
Recent News
In a significant step towards ensuring the health and well-being of public school students, the
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
