“MARIJUANA” GAGAMITING GAMOT: ‘DI PA TAYO READY D’YAN – SENATORS

December 9, 2022

Tags

National News

“MARIJUANA” GAGAMITING GAMOT: ‘DI PA TAYO READY D’YAN – SENATORS

Ilang senador ang nagpahayag ng pangamba sa minamadaling pagsasabatas sa legalization ng ‘medical cannabis’ sa Pilipinas.

Ayon kay Senador Jinggoy Estrada, baka maabuso ang medical cannabis kung wala itong malakas na guidelines kaya kailangang dumaan sa matinding pag-aaral.

Bagama’t mayroon na aniyang mga bansa na gumagamit ng medical cannabis, kailangan pa rin itong pag-aralan kung aakma sa kondisyon at kultura ng Pilipinas.

Sa pagsasaliksik ng BITAG Media Digital, nabatid na ang medical cannabis ay paggamit sa halaman na kung tawagin ay Hemp na ang scientific name ay Cannabis Sativa na isa ring sangkap na ginagawang Marijuana.

Sa depinisyon ng Canada-based Federal non-profit organization na LegaLline.ca, ang marijuana at cannabis ay walang pinagkaiba sa description.

“Generally, there is no difference between marijuana and cannabis and the two terms are often used to describe the same thing. Cannabis describes cannabis products in general. Marijuana specifically refers to cannabis products that are made from the dried flowers, leaves, stems and seeds of the cannabis plant,” ayon sa grupo.

Sa Pilipinas, isinusulong ng mga mambabatas sa ilalim ng Senate Bill 230 o ang “Medical Cannabis Compassionate Access” o ang pagsasabatas sa legalization ng medical cannabis bilang alternatibong gamot sa iba’t ibang sakit.

Ayon sa grupong Cannahopefuls Inc. na pinamumunuan ni Dr. Dinnabel Trias-Cunanan, malaki ang maitutulong ng mga cannabis-based products bilang gamot sa epilepsy at cerebral palsy.

Sa ilalim ng SB 230, papayagan ang paggamit ng cannabis-based treatment at supplements bilang gamot sa mga sakit gaya ng cancer, glaucoma, epilepsy, human immunodeficiency virus (HIV), acquired immune deficiency syndrome (AIDS), Rheumatoid arthritis, Sleep disorders, Mood disorders, at iba pa.

Para kay Senador Nancy Binay, nais muna nitong isailalim sa mas masusing pag-aaral ang paggamit ng medical cannabis bilang alternative treatment sa bansa.

Mahalaga aniya na mapakinggan ang lahat ng sektor at balansehin ang mga pros at cons ng panukala tulad ng opinyon mula sa mga doktor at testimonya ng mga pasyente, government regulations, at iba pang stakeholders.