“Malakas at matikas” ganito inilarawan ng 55-anyos at dating Philippine Army Reservist na si Sergeant Ramino Perez Jr. ang kanyang sarili noon.
Aniya, kahit isang reservist lamang daw siya, handa raw niyang ialay ang kanyang buhay mapaglingkuran lang ang ating bayan.
Subalit ang panatang ito ni Ramino, agad din natuldukan nang apat na beses siyang gupuin ng stroke sa magkakaibang taon.
Taong 2011 nang unang beses daw na ma-stroke si Ramino. Makalipas lamang ang isang taon, muli nanaman siyang nalagay sa peligro.
Ang tila kamalasang ito, muling nasundan noong taong 2017 at ang pinakahuli, nito lamang 2019.
Ayon kay Ramino, aminado siya na hindi wasto ang kanyang naging lifestyle noon. Aniya, ito raw ang maaaring naging sanhi ng kanyang stroke.
Sa kabila kasi ng kanyang pagiging aktibo, malakas naman daw siyang uminom ng alak ganundin ang kumain ng matataba at maaalat na pagkain.
“Malakas talaga akong uminom noong kabataan ko. Kahit beer or hard malakas akong uminom halos apat na beses sa isang linggo,” wika ni Ramino.
“Labis ang pagsisisi ko kaya ayoko na, bagong buhay na talaga,” pagsisisi ni Ramino.
Sa dami raw ng pagsubok na nalamampasan ni Ramino, natuto na raw itong baguhin ang kanyang sarili. At upang hindi na muling malagay sa alanganin, kumakain na raw siya ng wasto at regular naring nag eehersisyo.
Samantala, payo naman ng isang espesyalista sa publiko upang makaiwas sa stroke:
“Ugaliin po nating i-check palagi ang blood pressure, kinakailangan kontrolado ito. Inumin din ang inyong mga maintenance pero pinaka importante sa lahat ay yung lifestyle change, kumain ng tama at panatilihing nasa tamang timbang ang katawan.”
Recent News
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
The Philippine Amusement and Gaming Corporation (PAGCOR) turned over a Patient Transport Vehicle (PTV) to
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
