Dumulog si Orlando Paculan Jr, 42 years old, nagtatrabaho bilang isang caretaker ng farmhouse sa Pambansang Sumbungan #ipaBITAGmo.
Apat na taon nang nagbabantay ng farmhouse sa San Fernando, La Union si Orlando na pagmamay-ari ng kanyang amo na si Edmund Hufana, isa raw retiradong pulis.
Sumbong ni Orlando, hinampas daw siya ng kawayan ng pastor na si Marlon matapos niyang videohan ang pagdaan nito sa lupa na kanyang binabantayan.
“Nahuli ko kasi sila na dumaan sa hindi tamang oras, galit na galit po siya sa akin at hinamon pa ako ng suntukan, hindi pa siya nakuntento sir, hinampas pa ako ng kawayan kaya kop o siya inirereklamo,” salaysay ni Orlando sa BITAG.
Ayon kay Orlando, sinusunod lang daw niya ang bilin ng kanyang amo at ng abogado nito na kumuha ng video sa tuwing lalabag sa oras ng pagdaan si Pastor Marlon.
Isang court order ang ibinahagi niya sa BITAG na inilabas ng San Fernando, La Union Regional Trial Court nakaraang 2019. Nakasaad ang kasundaan sa pagitan ni Pastor at ng may-ari ng lupa hinggil sa right of way.
“The duplicate key shall be under the sole custody of Pastor Ingco; Pastor Ingco shall open the gate at 7AM and close the same at 7PM and the gate shall be opened before 7AM or beyond 7PM only in cases of emergency concerning Pastor Ingco or any member of his household,” nakasaad sa court order.
Kumuha daw ng video si Orlando upang magsilbing ebidensya na lagpas na sa itinakdang oras ang pagdaan ng pamilya ni Pastor Marlon.
Depensa naman ni Pastor Marlon, nabastusan daw siya sa paraan ng pagkuha ng video ni Orlando lalo na at kasama niyang dumaan ang anak kanyang asawa at anak na babae.
Dagdag ni pastor, may medical emergency daw sila noong gabing ‘yun dahil nakagat ng aso ang kanyang anak na babae. “Malalim po yung kagat ng aso sa anak ko, 3rd degree nga daw po sabi ng doktor kaya kinailangang isugod sa ospital” paliwanag ni Marlon sa BITAG.
Sa umpisa, hindi nagustuhan ng host ng programa na si Ben Tulfo ang tila pag-uudyok at nakakabastos na paraan ng pagkuha ng video ng nagrereklamong si Orlando
“Kung kukuha ka ng video sa malayo lang, wag naman isalpak sa mukha nung tao at may mag bata tapos hinahamon mo pa, pang-uudyok na yang ginawa mo, provocation ‘yan” paliwang ni BITAG.
Hindi rin nakaligtas si Pastor Marlon sa kastigo ni Tulfo. Ipinagtaka ni Tulfo kung bakit matigas ang pastor na magpatawad kahit umiiyak nang humihingi ng kapatawaran ang caretaker na si Orlando.
Ang patas na imbestigasyon ng #ipaBITAGmo sa reklamong ito, abangan!
Recent News
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
The Philippine Amusement and Gaming Corporation (PAGCOR) turned over a Patient Transport Vehicle (PTV) to
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
