Pinag-iingat ng Department of Health (DOH) ang publiko hinggil sa posibleng hawaan ng Covid-19 ngayong papalapit ang salubong sa Bagong Taon.
Ayon kay DOH Officer-in-Charge Maria Rosario Vergeire, bukod sa social gatherings o pagsasama-sama ng mga magkaka-anak, malaking factor din sa hawaan ng Covid-19 ang pasa-pasang paggamit ng “torotot” o ang party horns na ginagamit pampaingay sa New Year.
Payo ni Vergeire, siguraduhing may kanya-kanyang torotot at huwag manghiram kung kani-kanino ng gamit.
Dahil isinusubo sa bunganga ang entrada ng torotot, mas malaki aniya ang tsansa na mailipat ang virus sa ibang tao sa pamamagitan ng ‘droplets’ o laway ng gumamit nito.
Dahil nabubuhay ng matagal ang virus sa saliva o droplets, mas madali itong kumalat sa ibang tao lalo na kung direct contact ang pagsubo sa torotot.
“Siguraduhin po natin na hindi nagpapasa-pasa at naghihiraman (ng torotot) lalo na po ang ating mga anak dahil maaari po tayong magkaroon ng hawaan pag ginawa natin ‘yan,” babala ni Vergeire sa press conference ng DOH.
Hinikayat din ni Vergeire ang mga gumagamit ng torotot na gamitin ito sa open space at huwag sa saradong kuwarto o lugar.
Kahit hindi umano isubo ang torotot na ginamit ng ibang tao, kapag hinipan ito ng may Covid-19 ay ibinubuga nito sa bunganga ang virus at pwedeng tangayin ng hangin at magpalipat-lipat sa ibang lugar o tao, lalo na kung kulob ang pwesto.
“Kung sakali pong gagamit tayo ng torotot, dapat po sa open space. ‘Wag po tayo dun sa mga enclosed space para po maiwasan natin ang pagkakaroon ng impeksyon ng bawat isa,” wika ng opisyal.
Recent News
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
The Philippine Amusement and Gaming Corporation (PAGCOR) turned over a Patient Transport Vehicle (PTV) to
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
