HINDI lahat ng nagsusumbong sa BITAG ay biktima o tama. Eto ang isa sa mga pamantayan ng aming public service program.
May mangilan-ngilan, matapos naming mag-imbestiga ay lumalabas na sila ang pasimuno o dahilan ng problema.
Marami ang nagagalit sa estilo ko kung saan kung sino ‘yung nagrereklamo, sila pa ang kinakagalitan o kinakastigo sa ere.
Mawalang galang sa mga bashers, hindi kami entertainment program para kayo pasayahin, aliwin o ibigay ang inyong gustong mangyayari.
Oo tagapagtanggol ang BITAG ng mga inabuso’t inapi, subalit tumatayo din ang BITAG sa katotohanan.
Kailan lang, isang mag-ina ang nagsumbong sa #ipaBITAGmo. Sila na daw ang sinaktan, sila pa daw ang ipinakulong
Binugbog daw silang mag-ina ni Brgy. Chairman at tanod nito. Isang video ang kanilang ibinigay sa amin kung saan makikita ang komosyon at pagtulak sa matandang ina.
Sa unang tingin at sa video na iyong mapapanood, kakaawaan ang sinapit ng mag-ina. Ang kanilang inirereklamo – makapangyarihan, otoridad ng lipunan.
Subalit sa pagi-imbestiga ng BITAG, lumalabas na ang nagrereklamo ang siyang “troublemaker.”
Mula mismo sa bibig ng nagrereklamo, sinaway sila ng Brgy. Tanod dahil maingay umano silang nagkukuwentuhan sa labas ng kanilang bahay.
Subalit, imbes sundin ang pananaway ay binato umano ng nagrereklamo ang bahay ng tanod sa inis nito. Tumawag ng responde sa Barangay ang tanod gayundin sa mga pulis.
Ang nakitang video ng komosyon ay ang pag-aresto ng mga otoridad sa binata habang unaawat ang kaniyang ina na naipit sa kaguluhan.
Samakatuwid, ginawa ng tanod ang kaniyang trabahong mapanatili ang katahimikan sa kanilang lugar. Subalit hindi nagustuhan ng mga tambay ang estilo ng pagsaway o pagsita nito.
Paalala sa mga nagrereklamo, matalim at matiyaga ang BITAG sa pagkalkal ng mga detalye ng mga sumbong.
Oras na malaman naming itinatago niyo ang ilang impormasyon kung saan kabahagi kayo ng problema – walang sinasanto ang BITAG.
Hindi namin estilo ang mamahiya. Layunin naming ilabas ang katotohanan at matuto ang sinuman na maiwasan o masolusyunan ang isang problema.
Galit kayo sa estilo ko? I don’t care!
Recent News
Pag-IBIG Fund, in coordination with the Presidential Communications Office (PCO), participated in the Philippine Information
The Philippine Amusement and Gaming Corporation (PAGCOR) formally opened the second leg of the 2024
Pag-IBIG Fund reached new heights as the agency breached the P1-trillion mark in Total Net
In response to the effects caused by Typhoon Kristine, Pag-IBIG Fund has announced the availability
The Philippine Amusement and Gaming Corporation (PAGCOR) announced today that its revenues for the first
PAGCOR LAUNCHES NEW FLAGSHIP PROJECTS WITH DEPED, DPWH The Philippine Amusement and Gaming Corporation (PAGCOR)
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
