EX-CONVICT NA AMA, SUMAGOT SA SUMBONG NG KANIYANG ANAK SA BITAG

December 31, 2022

Tags

Bitag Exclusives

Si Wilma, hindi niya tunay na pangalan ay isang guro mula Baras, Rizal ang lumapit sa programa ng Pambansang Sumbungan #ipaBITAGmo.

Gusto niyang isangguni ang kanyang problema sa kaniyang ‘ex-convict’ na ama na kilala sa tawag na “Umbyang”.

January 7, 1991, nasintensiyahan si “Umbyang” sa mga kasong frustrated homicide, homicide, forcible abduction at acts of lasciviousness.

Halos 28 years nakulong ang kaniyang ama sa Iwahig Prison and Penal Farm Sa Puerto Princesa City, Palawan. Nitong July 2019, nakalaya na si “Umbyang”.

Simula ng makalaya, ang anak na si Wilma ang kumupkop kay Umbyang. Sa umpisa ay maayos naman daw ang samahan nilang mag-ama subalit makalipas ang ilang buwan ay unti-unti nang nagbago ang kaniyang ama.

Kapag nakakainom daw ito ay madalas daw siyang murahin at sabihan ng masasakit na salita

Nagwawala at hinahabol din daw si “Wilma” at kanyang asawang na si Ricky ng itak at dos-por-dos.

Pinilit daw intindihin ni “Wilma” ang sitwasyon ng kanyang ama ngunit nagkaroon na siya ng depresyon at trauma sa pakikisama dito.

Ultimo ang barangay ay wala na daw magawa dahil sa kanilang takot kay “umbyang” dahil madalas nitong sabihin na “kaya kong pumatay sanay na ako sa kulungan”

Nais ng BITAG na maunawaan at intindihin ang pagkatao ni umbyang kaya sinikap ng bitag na personal siyang makausap.

Panoorin kung paano inimbestigahan ng bitag ang sumbong na ito. Intindihin ng matuto. Unawain ng mamulat ang kaalaman, sa mga tulad ni “Umbyang.”