MADUMING PALENGKE, IPINASARA?! HIGIT 600 MARKET VENDORS MULA TARLAC, NAGPA-BITAG!

January 3, 2023

Tags

Bitag Exclusives

Daan-daang market vendors mula sa Tarlac City ang dumulog sa public service program ng BITAG, apektado daw sila sa biglaang pagpapasara ng lokal na pamahalaan ng Tarlac sa Paliparan Uptown Public Market.

Ayon sa tagapagsalita ng grupo ng mga tindera na si Josephine Balongay, Oktubre 2022 ipinasara ang palengke sa bisa ng isang closure order na pirmado mismo ng kanilang mayor at ng Department of Natural Resources (DENR) dahil sa problema sa kalinisin o sanitation.

Ang nasabing palengke ay pinaparentahan ng Tarlac City Hall at pinapatakbo ng isang pribadong kumpanya.

Panawagan ng mga market vendors, bigyan daw sila ng pagkakataong maitama ang mga violations upang makapagtinda at makapaghanapbuhay muli ang mga tindera.

Tinawagan ng BITAG ang cityhall ng Tarlac upang makuha ang kanilang depensa, ayon kay Atty. Joselito Castro, City Legal Officer ng Tarlac City sumulat sa kanilang opisina ang DENR upang magpatulong sa pagpapasara ng palengka matapos makitaan ng mga violations.

“Sumulat ang DENR nagpatulong to implement the cease and desist order, aside from violation sa environmental laws wala rin silang business permit since 2019. When they leased the market nakalagay sa kontrata na in their operation of public market, their management will observe local and national laws pertaining to market and sanitation laws.” paliwanag ni Atty. Castro sa BITAG.

Dagdag pa ng LGU, ilang notices na ang kanilang binigay para maitama ang mga naging violation ng palengke ngunit hindi raw sumunod ang pamunuan ng palengke.

Dinepensahan naman ni Mr. Ben Tulfo ang mga apektadong tindera na tila nadamay lang sa palpak na pamamalakad sa palengke.

Panoorin ang buong imbestigasyon ng BITAG sa isyu na ito: