Larawan ng isang masipag na ama at asawa ang 50-anyos na si Ariel Capatoy ng Malabon City, dating company driver.
Gaano man daw kabigat ang kanyang trabaho, handa raw niyang gawin ang lahat para sa kanyang pamilya.
“Hindi ko iniisip na mahirap ang trabaho basta may makain ang pamilya ko sa araw-araw,” wika ni Ariel.
Aminado si Ariel na mahirap ang maging isang driver. Araw-araw daw kasi ang kanyang pasok kaya naman madalas din siyang makaramdam ng labis na pagod at panghihina.
Subalit sa kabila nito, ipinagwalang-bahala raw ni Ariel ang kanyang mga nararamdaman. Hanggang isang araw, bigla na lamang daw siyang na-stroke sa kalagitnaan ng kanyang biyahe.
“Na-over fatigue ako sa trabaho. Wala akong pahinga talaga dire-diretso ang pasok ko kaya siguro na-stroke ako,” ani Ariel.
Ayon sa isang espesyalista, ang stroke ay isang komplikasyon dulot ng hindi naagapang hypertension at diabetes
“Ang stroke kasi ay secondary na complication ng underlying condition which is hypertension or diabetes. Kung ano ang causes ng diabetes at hypertension ay ganun din ang sanhi stroke,” ani ng doktor.
“Itigil ang paninigarilyo, pag inom ng alak atsaka magkaroon ng tamang dieta. Huwag din niyong ipagsawalang bahala ang inyong hypertension. Kapag masyadong mataas na ang presyon niyo, magpakonsulta na agad sa doktor” payo ng espesyalista upang maiwasan ang stroke.
Tila hindi raw matanggap ni Ariel ang kanyang sinapit. Sapagkat aniya, ang ama na sana ay tumataguyod sa pamilya, nakaratay na lamang ngayon sa banig ng karamdaman.
“Wala na akong maibigay ngayon sa pamilya ko. Iniisip ko kung saan ako kukuha. Ipinapasa-Diyos ko nalang,” emosyonal na wika na Ariel.
Sa kabila ng pagsubok na ito, pangako ng maybahay na si Marivic na mananatili siya sa tabi ni ng kanyang asawa sa hirap man o ginhawa.
“Hanggang sa gumaling siya nandito lang po ako hindi ko ‘yan iiwan kasi ‘yan ang pangako namin nung kinasal kami kahit anong mangyari hindi kami mag iiwanan. Kahit gaano katagal siya maging ganyan aalalayan ko siya hangga’t makakaya ko,” pangako ni Marivic kay Ariel.
Recent News
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
The Philippine Amusement and Gaming Corporation (PAGCOR) turned over a Patient Transport Vehicle (PTV) to
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
