BILANG NG ‘TAMBAY’ NA PINOY NABAWASAN NG HALOS 1 MILYON

January 6, 2023

Tags

National News

Natapyasan ng malaking bilang ang mga ‘job less’ o tambay na Pinoy matapos bumaba ang naitalang unemployment rate ng Philippine Statistics Authority (PSA) nitong 2022.

Sa pagsipi ng BITAG Media Digital sa statistical report ng PSA, bumaba ang unemployment rate sa bansa mula 3.18 milyon noong 2021 ay nasa 2.8 na lamang ang walang trabaho noong Nobyembre.

Base sa Labor Force Survey ng ahensya, patuloy ang pagbaba ng unemployed o walang trabahong Pinoy buhat nang maramdaman ang pagbuti ng health condition sa bansa dahil sa pagbaba ng kaso ng Covid-19 sa Pilipinas.

Ayon sa chief statistician at Civil Registrar General ng PSA na si Usec. Dennis Mapa, ang naitalang pagbaba ng unemployment rate noong Nobyembre ay pinakamababang unemployment record mula noong 2005.

“The unemployment rate in the country in November 2022 was posted at 4.2 percent from 4.5 percent in October 2022 and 6.5 percent in November 2021. The estimated unemployment rate in November 2022 was the lowest since April 2005,” ani Mapa.

Samantala, pumalo naman sa 95.8% ang employment rate o bilang ng mga Pilipinong may trabaho noong Nobyembre 2022.

Ito rin ang pinakamataas na employment record na naitala ng PSA simula noong April 2005. Mas mataas ito ng humigit-kumulang 4.24 milyon na nagkaroon ng trabaho kumpara noong 2021.

“The employment rate was placed at 95.8 percent in November 2022, the highest recorded employment rate since April 2005. In terms of levels, there were 49.71 million persons 15 years old and over who were employed in November 2022, 47.11 million in October 2022 and 45.47 million in November 2021,” ayon sa PSA.