Taong 2022, iba’t-ibang sumbong ng pananakit at pang-aabuso sa mga delivery at service riders ang inilapit sa BITAG.
Patindi ng patindi ang sumbong ng mga pananakit. Dahil sa kawalan o kakulangan ng kanilang proteksiyon, isa ang BITAG sa kanilang nagiging takbuhan.
May mga pagkakataong kapag kinukuha namin ang panig ng mga inirereklamong customer, itinatanggi ang kanilang pananakit o pang-aabusong ginawa.
Ang matindi, sinisisi pa ang mga delivery at service riders sa kanilang sinapit. Na para bang pati pagkatao ng mga pobre ay binayaran nila.
Marami ang sinubukang lumusot, subalit sa tindi ng ebidensiya – mga video na kuha mismo ng mga biktima, hindi umuubra ang mga inirereklamong customers.
Sa pagbubukas ng 2023, halos dalawang dosenang shopee express delivery riders ang sabay-sabay na dumagsa sa aming tanggapan.
Matiyaga kong pinakinggan ang kanilang mga hinaing.
Kaawa-awa ang kanilang sumbong – simula daw Hunyo 2022, hindi sila nakakasahod ng maayos, walang mga benepisyo at incentives.
Pambihira naman, paano nakakatulog sa gabi ang may-ari ng manpower agency na may hawak sa mga riders na ito?
May mga bibig na pinapakain at binubuhay ang mga pobreng riders – ‘wag naman silang abusuhin!
Habang sinusulat ang kolum na ito, sinusubukan pa ring tawagan ng BITAG ang inirereklamong agency ng mga riders – ang Placer 8 HR Recruitment.
Walang sumasagot sa kanilang mga telepono sa opisina, maging mga HR Managers. Ayokong sabihing umiiwas subalit karaniwan itong reaksiyon ng mga kumpanyang inirereklamo.
Subalit may nakakasang aksiyon na ang BITAG katuwang ang Department of Labor and Employment sa sumbong na ito ng mga probreng riders.
Abangan sa #ipaBITAGmo sa YouTube Official BITAG Channel gayun din sa BITAG Live facebook Page.
Samantala, malaki ang papel na ginagampanan ng mga kumpanyang nirerepresenta ng mga delivery at service riders.
Sila ang unang puprotekta sa karapatan ng kanilang mga “partner riders.”
Oras na hindi kumilos ang mga kumpanyang ito para ipagtanggol ang kanilang mga riders, nandito ang BITAG para tumayo at kastiguhin ang mga abusado’t mapanakit na customers.
Recent News
In a significant step towards ensuring the health and well-being of public school students, the
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
