SAGOT SA “TERORISMO”: EDUKASYON AT TAMANG PAGHUBOG SA KABATAAN – VP SARA

January 12, 2023

Tags

National News

Naniniwala si Vice President at Education Secretary Sara Duterte na mawawakasan lamang ang tanikala ng eksploytasyon at terorismo kung maipapalaganap ang seryosong edukasyon at tamang paghubog sa mga kabataan.

“Our goal is to equip our children and youth with conflict transformation skills and the strength and discernment to resist recruitment into radical and terror groups.”

Ito ang naging buod ng mensahe ni VP Sara Duterte sa kanyang pagdalo sa pagdiriwang ng 83rd founding anniversary ng Koronadal City sa South Cotabato at selebrasyon ng 23rd Hinugyaw Festival noong Martes. Jan. 10, 2023.

Isinalarawan din ng Pangalawang Pangulo ang Koronadal City na “the melting pot of cultures in southern Mindanao” at pinuri ang matatag na pundasyon ng siyudad sa pagbibigay ng tamang serbisyo sa tao.

Ayon kay VP Sara, malaki na ang naging progreso ng Koronadal City mula sa dating pagiging ‘war-torn’ community at ngayon ay isa nang modelong pamayanan.

Nagpahayag din ito ng inspirational words sa mga kabataan at magulang na seryosohin ang edukasyon upang makalaya sa matagal nang bangungot ng karahasan at terorismo.

“Education is a liberating force. I cannot overemphasize all the adults here in Koronadal – we must force our children to school. The Department of Education is implementing a stronger child protection mechanism in our school communities – another layer of defense against the recruitment and exploitation of children and youth,” wika ng Pangalawang Pangulo.