Himas-rehas ang isang vlogger na German national matapos gawing content sa kanyang vlog ang sexual exploitation at pananamantala sa isang menor-de-edad na babae sa Muntinlupa City.
Mismong si Muntinlupa City Mayor Ruffy Biazon ang nagbalita sa kanyang Facebook account kahapon (Jan. 11) na naaresto na ang German national na nakilala lamang sa kanyang vlog at screen name na alyas “Mr. Pogi German”.
Sinabi ni Biazon na base sa kanyang napanood na vlog ng dayuhan, makikitang pinagsamantalahan ng vlogger ang pangangailangan ng biktimang babae.
“Naaresto na ang foreign national na kilala bilang “MR Pogi German” at ginawang content ang pag-pick up sa isang menor de edad na babae dito sa ating lungsod. Base sa video, mukhang napagsamantalahan niya ang pangangailangan ng nasabing babae,” ani Biazon sa kanyang Facebook post.
Ayon kay Biazon, nadakip ng operatiba ng Muntinlupa Police ang suspek sa pangunguna ni PCol. Angel Garcillano.
“In less than 24 hours mula nang nagpahayag tayo ng statement tungkol sa ginawa ng nasabing foreign national, nahuli na nila ang dayuhan. Salamat sa PNP-Muntinlupa led by PCol. Angel Garcillano sa mabilis na aksyon,” giit ng alkalde.
Hinikayat ni Biazon ang Muntinlupa City Council na ideklarang persona non grata ang vlogger na dayuhan upang hindi na ito pwedeng tumapak sa teritoryo ng siyudad.
Giit ni Biazon, dapat magsilbi itong babala sa lahat na hindi kinukunsinti ng Muntinlupa city government ang anumang uri ng kalaswaan, pananamantala o pang-aabuso sa mga kababaihan.
“Hindi natin tino-tolerate ang ganitong klaseng mga activity. This also serves as a warning to all other persons na engaged sa ganito; kung ganyang klaseng content din ang gagawin nila, wag na nilang pagtangkaan pa.”
Samantala, ipinag-utos ni Biazon na isailalim sa psychological assessment ang menor-de-edad na biktima ng dayuhan at pagkakalooban ito ng kaukulang tulong ng lokal na pamahalaan.
Recent News
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
The Philippine Amusement and Gaming Corporation (PAGCOR) turned over a Patient Transport Vehicle (PTV) to
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
