PBBM UMAASANG MAKASAMA PA SI ERWIN TULFO SA GOBYERNO

January 25, 2023

Tags

National News

“He did a very good job… we cannot lose that kind of asset.”

Ito ang naging pahayag ni Pangulong Bongbong Marcos nang tanungin sya ng media kung makakasama pa ba niyang magseserbisyo sa pamahalaan ang dating kalihim ng Department of Social Welfare and Development (DSWD) na si Erwin Tulfo.

Sa maikling panahon ng panunungkulan sa ahensya, humanga ang pangulo sa uri at tatak ng serbisyo-publiko ni Tulfo.

Nagsilbing itong “action man” na agarang nagreresponde at kumikilos sa mga krisis gaya ng sakuna at kalamidad sa iba’t ibang bahagi ng bansa.

Inilapit din niya ang mga programa at serbisyo ng pamahalaan sa taumbayan na nangangailangan.

Sa panunungkulan ng dating kalihim, maraming beses rin na personal na nakasama niya Pangulo sa mga relief operations sa mga nasalanta ng bagyo.

Sa unang pagkakataon, nitong Lunes, January 23 nagsalita na si Marcos tungkol sa naging sitwasyon ni Tulfo. Umaasa ang pangulo na makakasama pa rin nya si Tulfo sa gobyerno.

“I hope so, I hope so. Because whatever we say, difficulties that he faced with the CA (Commission on Appointments), the time that he was running the DSWD, he did a very good job. So we cannot lose that kind of asset. So we find something that he can do so we can take advantage of his good instincts when it comes to social service.”

Matatandaan noong Disyembre, itinalaga ng palasyo si Undersecretary Eduardo Punay bilang officer-in-charge (OIC) ng DSWD at naging tahimik sa estado ng dating DSWD secretary.