PUBLIC SERVICE, NASA DUGO NAMING MAGKAKAPATID – ERWIN TULFO

January 27, 2023

Tags

National News

Nasa pwesto man sa gobyerno o wala, nasa dugo ng mga Tulfo ang pagtulong sa kapwa.

Sa panayam ng The Manila Times sa dating kalihim ng Department of Social Welfare and Development (DSWD) na si Erwin Tulfo, hindi umano siya tumitigil sa pagtulong sa mga maliliit at nangangailangan nating mga kababayan kahit wala na sya sa gobyerno.

“It runs in our blood, together with my brothers, helping out people. So long as it has something to do with public service, why not?” saad ng beteranong brodkaster.

Sinabi ni Tulfo, kung muli man daw siyang aalukin ng pwesto sa pamahalaan, hindi umano siya magdadalawang isip na tanggapin ito, sa ngalan ng serbisyo publiko.

“As long as it has to do with public service, I am always available and ready to help the government because even though I’m already out of the DSWD, there’s a lot of people outside our offices. I’m talking about our ACT-CIS [Anti-Crime and Terrorism Community Involvement and Support] party-list,” dagdag pa ni Tulfo.

Hindi din aniya siya nagsisisi na tinanggap niya ang alok ni Pangulong Ferdinand Marcos Jr. nang manalo ito sa pagka-presidente.

Nitong Lunes, nagsalita si Pangulong Ferdinand Marcos tungkol sa naging sitwasyon ni Tulfo sa administrasyon nito. Bagamat naging malaking hamon daw ang hindi ang pagkumpirma ng Commission on Appointments (CA) sa dating kalihim,, humanga ang pangulo sa mahusay at epektibong pamumuno niya sa pamamalakad sa DSWD.

Related news: https://bitagmedia.com/rsca

Nang tanungin si Tulfo tungkol sa isyung hindi pag-aprub ng CA sa kaniya sagot niya, “on the CA, there are staff, the Secretariat would go around and interview those candidates, so like me, they came to my office and interviewed me, I have nothing to lie [about]. I was not that prepared because there was no lawyer behind me to answer those questions. So I felt like hindi ako napakinggan.”