Isang grupo ng mga merchandiser ng isang kilalang grocery store ang nagbigay ng hinaing sa public service program na #ipaBITAGmo.
Anila, sa mahigit na isang dekadang pagtatrabaho ay natuklasan nilang kulang-kulang ang hulog sa kanilang mga benepisyong SSS, PAG-Ibig at Philhealth.
“Yung iba po sa amin pati 13th month pay ay wala pa po hanggang ngayon,” ayon sa tagapag-salita ng kanilang grupo na si Nervin Sablas, 12-taon nang empleyado ng Manpower for Advertising Services Agency (MASA)
Dagdag ng mga merchandiser dahil hindi nahuhulugan ng tama ang kanilang mga benepisyo, ay hindi rin daw sila makapag-apply sa mga loan o pautang na inaalok ng gobyerno.
“Matagal na po kaming humihingi ng follow up. Updated sila magkaltas pero hindi sila updated sa paghuhulog” ayon naman kay Christopher Ariston, 2-taon ng merchandiser.
Sa personal na pkikipanayan ng program host na si Mr. Ben Tulfo sa mga nagrereklamo, hindi umano biro ang pagod na kanilang nararanasan sa pagtatrabaho.
“Mabigat po talaga yung trabaho namin at ginagawa namin ng tapat . Pinagsisikapan naming ang lahat bilang isang merchandiser” paliwanag ng mga merchandiser.
“Ang agency ay kumikita inyo (merchandiser). Kapag hindi inayos ng agency ang mga problemang tulad nito, maapektuhan din sila dahil mawawalan sila ng empleyado, mawawalan sila ng kita, sasakit pa ang ulo nila sa problema,” paliwanag ni Ben Tulfo.
Dagdag pa ni Ben Tulfo, “kayo ‘yung kanilang yaman. Isipin mo kung wala kayong mga empleyado, ano na lang ang kikitain nila dahil importante ang serbisyo ninyo.”
Samantala, tinawagan ng BITAG ang Manpower for Advertising Services Agency (MASA) para kunin ang kanilang panig sa sumbong na ito.
Bagamat pumayag na makausap sa ere, nangako ang mga opisyales ng MASA na aayusin at babayaran ang mga benepisyo ng mga merchandiser.
Matapos ang tatlong araw ay ibinalita ng agency sa BITAG na nahulugan na ang mga kulang-kulang na benepisyo ng mga nagrereklamong merchandiser.
Ang kabuuan ng sumbong at solusyon sa sumbong na ito, panoorin:
Recent News
In a significant step towards ensuring the health and well-being of public school students, the
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
