TEXT SCAMMERS, DI NA MAKAPORMA DAHIL SA SIM REGISTRATION ACT

January 28, 2023

Tags

National News

Halos isang buwan matapos ipatupad ng National Telecommunication Commission (NTC) ang simcard registration, tinatayang 25,501,290 na ang bilang ng mga nakapag-rehistrong user.

Bagama’t mahigit 25 milyong sim cards na ang nakarehistro, katumbas lamang ito ng 15.09 porsiyento mula sa inaasahang 168,977,773 SIM card sa buong bansa.

Kaya patuloy na panawagan ni Information and Communications Technology Undersecretary Anna Mae Lamentillo, irehistro na ng mga subscriber ang kanilang SIM card upang makaiwas sa mga electronic communication-aided crime katulad ng mobile phishing at text spam.

“The DICT is working tirelessly to ensure inclusion in SIM Registration for convenient and effective nationwide implementation. With this, SIM Registration is a step towards a safer cyberspace and the country’s digital transformation, as envisioned by President Bongbong Marcos Jr.,” pahayag ni Lamentillo.

Samantala, nakita din ng DICT na humina na ang bentahan ng mga sim cards simula ng ipatupad ang SIM Registration Act.

“Since nag-announce tayo nito, bumagsak ang bentahan ng SIM Cards dahil dati itong mga scammers, itong mga sindikato, bili nang bili ng SIM card tapos tapon.” paliwanag ni DICT Secretary Ivan Uy.

Muli ding nagpaalala ang DICT sa mga subscribers na iparehistro ang mga SIM Cards upang maiwasang ma-deactivate ang mga ito.

Sa Abril 26, 2023 ang huling araw ng registration.