BABAENG AIRPORT SECURITY NA NAGKAPKAP SA K-POP GROUP ENHYPEN, IIMBESTIGAHAN

February 7, 2023

Tags

National News

Iniimbestigahan na ngayon ng Office for Transportation Security (OTS) ang umano’y “unprofessional behavior” ng isang airport security officer habang nagsasagawa ng screening sa isang Korean pop group.

Sa pahayag kahapon ng OTS, pinag-aaralan nila ang video na kumalat sa social media kung saan kapansin-pansin ang “pagngisi” ng babaeng screening officer na tila kinikilig habang kinakapkapan ang ilang miyembro ng ENHYPEN.

Binatikos naman ito ng mga fans ng grupo at sinabing ‘unprofessionalism’ at kawalan ng ‘work ethics’ umano ng empleyado ng Ninoy Aquino International Airport.

“While we understand the excitement brought about by the presence of these Korean artists, we remind not only our personnel, but all airport users, that unauthorized filming at our security screening checkpoints is not allowed as a matter of policy,” pahayag ng OTS.

Sinabi ng tagapagsalita ng OTS na si Kim Marquez na ang kanilang pamamaraan ng screening ay “male-to-male” at “female-to-female”.

Ngunit sa ilang mga pagkakataon, ang mga babaeng screener ay pinapayagang mag-screen ng mga lalaking pasahero, ngunit nangyayari ito kadalasang sa mga paliparan na kulang ang mga tauhan.

“The Manila International Airport Authority may not be applicable since we have more personnel and that is now the subject of our investigation,” Marquez added.

Ipinagbabawal din aniya sa mga security checkpoints ang pagkuha ng video bilang bahagi ng kanilang polisiya.

“This may be considered as a security breach. From the video clip, we can already surmise some irregularity and lapses, not only of the one doing the screening, but also to their supervisors for allowing this to happen, and aggravated by not acting on the lapses and not submitting the required incident report,” wika ni Marquez.