ILANG lingo na ang nakalipas. Tila nakalimutan na ni Albay 2nd District Representative Joey Salceda ang kaniyang dapat na pasabog.
Sinabi niya, isa-isang ipapatawag sa kongreso ang 7 kartel na nasa likod umano ng onion smuggling at hoarding sa Pinas.
Etong mga tinamaan ng lintek na kartel daw ang dahilan ng pagtaas ng presyo ng ating sibuyas.
Hamon pa ng mambabatas, silipin ang Subic port dahil nandoon ang 50 containers na naglalaman umano ng mga sibuyas na sadyang inipit ng mga kartel.
Aniya, sa ikalawang congressional ng hearing na dapat ginanap noong January 30 ay papangalanan ng Ways and Means Committee ang mga putok sa buhong ulo ng kartel.
Ilang araw bago ang ikalawang hearing, tumawag ako sa tanggapan ni Cong. Salceda. Nakausap ko sa telepono si Atty. Caroline Cruz-Sabio, Senior Chief of Staff– kinumpirma niyang may mga ilalabas ngang mga pangalan ang mambabatas.
Subalit habang sinusulat ko ang kolum na ito, wala pa rin ang pangalan ng mga hinayupak na dapat nailabas na ni Cong. Salceda.
Cong, anong petsa na? May ilalabas ka pa ba talaga? May pa-aid-aid of legislation ka pang nalalaman na naaapektuhan kamo ang ekonomiya.
Baka nakalimutan mo lang, this is a kind reminder.
Kami kasi sa BITAG, walang sakit na kalimot. Kaya nagpapaalala lang.
Bumababa na nga ang presyo ng sibuyas dahil may mga nakapasok ng suplay.
Nagtagumpay na sa una ang mga kartel, ang lagay, forgive and forget na lang?
Katulad ng isang tinatrabaho ng BITAG ngayon na sumbong ng isang reseller ng sibuyas. Inorder niya ang 1,200 kilosng pulang sibuyas mula Ilocos.
Pagdating nga mga sibuyas sa Pasay, Manila, ang sana’y 120 bags na papuntang Bicol, nawawala.
Scam o naharang ng mahigpit na agricultural checkpoint ng mga pulis?
O Cong. Salceda, nag-aantay pa rin kami sa BITAG ha.
Recent News
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
The Philippine Amusement and Gaming Corporation (PAGCOR) turned over a Patient Transport Vehicle (PTV) to
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
