UNESCO BABANTAYAN ANG HATE SPEECH, ONLINE DISINFORMATION

February 28, 2023

Tags

National News

Problema sa disinformation at hate speech sa social media ang gustong tutukan at bantayan ngayon ng mga tech firm, nasa akademya at myembro ng mga civil organization.

Kasunod nito ang kanilang panawagan sa international community na mag-isip ng mga hakbang laban sa pagpapakalat ng mga umano’y kasinungalingan at fake news sa mga digital platform.

Sa isinagawang Internet for Trust Conference noong nakaraang linggo, sinabi ni UNESCO Director-General Audrey Azoulay na dapat kumilos ang mga bansa upang mapalaganap ang tama at totoong impormasyon para sa kabutihan ng lahat.

“The blurring of boundaries between true and false, the highly-organized denial of scientific facts, the amplification of disinformation and conspiracies – these did not originate on social networks. But, in the absence of regulation, they flourish there much better than the truth. Only by taking the full measure of this technological revolution can we ensure it does not sacrifice human rights, freedom of expression and democracy. For information to remain a common good, we must reflect and act now, together,” pahayag ni Azoulay.

Hinimok din ng opisyal ng UNESCO ang lahat ng mga bansa na makipagkaisa, tiyakin ang freedom of expression, maghanap at tumanggap ng mapagkakatiwalaang impormasyon habang ipinaiirl ang karapatang pantao.

Sa buwan ng Setyembre ngayong taon inaasahang magaganap ang konsultasyon na dadaluhan ng mga stakeholder mula sa iba’t ibang mga bansa.