TULOY ANG PASOK KAHIT TIGIL-PASADA –DEPED

March 6, 2023

Tags

National News

Tiniyak ng Department of Education (DepEd) na tuloy parin ang pagkatuto ng mga mag aaral sa kabila ng isang linggong tigil-pasada ng mga transport group.

Sa isang pahayag kahapon, March 5, sinabi ng DepEd na itutuloy ang mga klase sa pamamagitan ng alternative delivery mode (ADM) kung hindi makakapasok ang ilang mga mag-aaral sa eskwelahan dahil sa kilos protesta.

“To give our schools flexibility, classes may be conducted in-person or through alternative delivery modes depending on the preference of the learners and their parents/guardians,” saad ng DepEd.

Inabisuhan din ahensiya ang ang mga regional directors at superintendent na maghanda para sa in-person classes at modular distance learning depende sa sitwasyon ng kanilang mga nasasakupan.

Samantala, binigyan diin ni Vice President at Education Secretary Sara Duterte na pahirap ang isinasagawang kilos protesta ng mga transport group sa pagtugon ng ahensiya sa mga kinakaharap ng problema ng edukasyon sa bansa.

“May I reiterate –the transport strike is a painful interference in our efforts to address the learning gaps and other woes in our education system,”saad ni Duterte.

“We oppose it because its problematic, it will hurt our learners, and the inconvenience that it may cause comes with an enormous price deleterious to learning recovery efforts –and this is a price that learners will have to pay.”

Kamakailan, inihayag ni Duterte ang kanyang pagkadismaya sa Alliance of Concerned of Teachers (ACT) dahil sa pagsuporta umano nito sa nasabing welga.

“ACT supporting this transport strike, and shamelessly harping twisted justifications for it, only betrays its true colors — that it is a group that does not really serve the interest of students and teachers,” ani Duterte sa isang pahayag noong March 4.

“ACT should know that a weeklong transport strike, at this critical point in our efforts to remedy learning losses, is a learning disruption,” dagdag nito.