NATUTULOG sa pansitan, gising o nagtutulog-tulugan?
O baka naman sadyang nagbibingi-bingihan lang. ‘Ala lang. Dedma.
Alam nilang may problema sa kanilang sistema pero sila pakuya-kuyakoy lang sa loob ng malalamig nilang opisina.
Ganyan ang nangyayari sa Land Transportation Office (LTO). Dekada na ang mga reklamo sa kanilang sistema pero hindi pa rin maayos-ayos at masolusyunan.
Isang halimbawa ang inilapit ng isang kababayan nating overseas Filipino worker (OFW) sa #ipaBITAGmo.
Nasa labas siya ng bansa pero wala siyang kamalay-malay na mayroon siyang limang traffic violations. Nagkagulatan nalang noong nag-renew sya ng driver’s license sa LTO-Batangas dahil aalis na ulit sya ng bansa.
Sa data base ng ahensya,lumalabas natiketan daw sya habang minamaneho niya ang isang Foton 12-wheeler truck at dump truck sa Pampanga. Na noong mga panahon na ‘yun nasa Kuwait sya.
Pati ‘yung mismong OFW nagtataka. Kahit kailan daw hindi siya nagawi sa Region 3. At base sa kaniyang lisensya dyip lang ang pwede o allowed niyang imaneho. Naloko na!
Mabuti naman at sinibak na nila ‘yung traffic enforcer na nag-isyu ng pekendos na traffic violation ticket.
Pero itong isa pang kapolpolan ng LTO Main, hindi ko alam kung magagalit ako o matatawa nalang sa inis.
Isang bus drayber nahuli nilang nagda-drive ng kolorum na bus. Pero ‘yung mga nasa LTO Main Office siya raw ang pinagmumulta ng isang milyong piso dahil ang kaniyang operator biglang no show na.
Kaya ang sabi ng LTO, ‘yung pobreng drayber nalang daw ang magbayad ng P1-milyon para makuha nya ang lisensya niya.
Sino ba naman ang hindi mabu-bwisit sa ganitong sistema? Hindi na ako magtataka kung isang araw ultimo yung patay na sa sementeryo magkaroon rin ng violation ticket. Umaayos nga kayo!
O, kayo dyan sa LTO, pukaw na mo!
Recent News
With the onset of summer and DOH/PAGASA warnings of dangerous heat indices, PhilHealth reminds the
Muling ipinapaalala na ang lahat ng mga miyembro ng PhilHealth ay maaaring maka-avail ng Outpatient
The Department of Health announced that for the year 2024, all 426 recorded rabies cases
PhilHealth is committed to holistically addressing the healthcare needs of every Filipino. “Nais naming ipaabot
LUISIANA, Laguna – The Philippine Amusement and Gaming Corporation (PAGCOR) formally inaugurated on Friday, March
The Philippine Amusement and Gaming Corporation (PAGCOR) turned over a Patient Transport Vehicle (PTV) to
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
