Kasalanan daw ng Agency: Pinay, denied ang London Visa

May 5, 2023

Tags

Bitag Exclusives

Matindi ang galit ng single mom na si Mary Jinky Andol, 33-anyos mula Pampanga, nang dumating ito sa BITAG Action Center.

Naunsiyami ang kaniyang pagpunta ng London dahil dineny ng British Embassy sa Maynila ang kaniyang visa application. Nakatakda na sana silang magsama ng kaniyang kasintahan na ng 3-taon na isa ring British National.

Sumbong ni Jinky sa #ipaBITAGmo, kasalanan ng agency kung bakit siya na-deny na mabigyan ng visa. Nasayang umano ang ibinayad ng kaniyang boyfriend sa travel agency na P90,000.00 para lang maasikaso ang kanyang pagpunta ng London.

Nais ni Jinky at ng kaniyang boyfriend na ma-refund ang kanilang mga naibayad kasama na ang ibinayad sa ticket ni Jinky papuntang London.

Paglilinaw naman ni Ben Tulfo, walang magagawa ang travel agency sa desisyon ng British Embassy sa Manila. Consul ang nagpa-pasiya sa mga aplikanteng dapat mabigyan ng visa na ang pagbabatayan ay ang resulta ng interview at mga ipinasang dokumento.

Ayon kay Tulfo, kung talagang nagmamahalan si Jinky at ang boyfriend na British national ay magpakasal na sila para makapag-apply ng fiancé visa sa embahada.

“Kung mahal ka ng boyfriend mo, gagawa siya ng paraan. Puwede mong sabihin, If you really love me, come and visit me, let’s get married and present me to the embassy that I’m your wife,” pays ni Tulfo sa nagrereklamong si Jinky.

“Ang ticket balewala ‘yan, matutulungan ka ng BITAG na ma-refund ‘yan. Pero ‘yung lifetime na makasama mo ang sweetheart mo, I go for that,” pagtatapos ni Tulfo.

Ang buong detalye ng sumbong, Panoorin sa BitagTV YouTube channel: