SUMBUNGAN KONTRA DRUGS NG DILG, PAANO?

May 9, 2023

Tags

Bitag Exclusives

Hinihikayat ni Department of the Interior and Local Government (DILG) Secretary Benjamin “Benhur” Abalos, Jr. ang publiko na magsumbong at mag-report kung may importanteng impormasyon sila tungkol sa iligal na droga.

Ito ang isa sa naging panawagan ni Abalos sa press conference nito noong Lunes (May 8) ukol sa isinasagawa nilang imbestigasyon sa mga opisyal ng Philippine National Police (PNP)

Maganda man pakinggan ng hangarin, ang tanong, saan at paano magsusumbong ang publiko?.

Hindi malinaw kung saang ‘platform’ magsusumbong ang publiko at kung paano magiging ligtas at epektibo ang ganitong estilo.

Sa mga nakaraang administrasyon, matalinong ginamit ng gobyerno ang publiko sa pamamagitan ng paglulunsad ng ‘community-based support’ at mga ‘telephone hotlines’.

Sa ngayon tila mananatiling isang naratibo at plano ang programang ng kasalukuyang administratibo kung hindi maglulunsad ang gobyerno ng sapat, maayos at detalyadong ‘guidelines’ sa pagpuksa sa ilegal na droga.

Samantala, nanawagan din si Abalos sa pribadong sektor na makipagtulungan sa gobyerno upang mapalakas ang kampanya laban sa ilegal na droga.

Ayon kay Abalos, ilulunsad ng DILG ang programang “BIDA Workplace” kung saan hinihikayat nila na magsagawa ng ‘random drug testing’ ang mga kumpanya sa kanilang mga empleyado. “Isipin lang ninyo kung lahat ng kompanya, merong polisiya against drugs. Lahat ng kumpanya ay mayroong random drug testing,” ayon sa kalihim.