SIGMA ASIAN SUMMIT 2023 SA PILIPINAS

Inanunsiyo ng Philippine Amusement and Gaming Corporation (PAGCOR) ang staging ng SiGMA Asia Summit 2023 – isang malaking pagtitipon ng mga sinasabing influential leaders ng gaming, blockchain at mga emerging tech industries.

Ang nasabing event na jointly organized ng SiGMA Group at ang Artificial Intelligence Blockchain and Cryptocurrency (AIBC) ay gaganapin sa July 19-22 sa SMX Convention Center, Pasay City. Inaasahan dito ang pagdalo ng 15,000 attendees mula sa iba’t ibang panig ng mundo.

Pag-uusapan sa four-day event ang newest trends at developments ng online gaming, casino resorts, gaming regulations, cryptocurrency, blockchain at digital economy at mga investment strategies.

Nais din pag-isahin ng SiGMA Asia Summit 2023 ang mga sinasabing pinakamagagaling na utak ng gaming sa buong mundo upang makagawa ng oportunidad na magsama ang industry leaders at visionaries mula sa East at West.

Suportado naman ni PAGCOR Chairman and CEO Alejandro Tengco ang event na aniya ay magiging daan para makilala ang kahandaan ng Pilipinas sa pag-adopt ng new technologies na makatutulong sa pag-usbong ng local gaming.

“We welcome the holding of the summit in the country as we believe that we will gain so much from this event and keep us abreast with the latest trends in global gaming and digital economy,” ani Tengco.

Ayon naman kay SiGMA founder Eman Pulis, tama na mapili nila ang Manila na maging host ng summit.“Manila, thanks to the government’s and PAGCOR’s efforts, remains the gaming hub of Asia. Now that COVID is out of the way, we’re doubling down our efforts and leaving no stone unturned to launch a conference in Manila and bring our vast network in the West closer to Asian suppliers, operators and affiliates,” ani Pulis.