“Apat na taon kaming nagsunog ng kilay sa pag-aaral maipasa lang lahat ng subjects tapos hindi daw kami makaka-graduate,” hinaing ng tatlong estudyante ng isang aeronautical school sa Cebu na lumapit sa BITAG.
“Paliwanag po nila, dahil mga transfered students kami ay hindi nila accredited ‘yung mga subjects namin sa dating eskwelahan. Bakit nila kami tinanggap at pinaabot pa hanggang 4th year sa school,” dagdag ng mga nagrereklamo.
Sagot naman ngschool administrator ng inirereklamong aeronautical school kay Ben Tulfo sa kaniyang programang BITAG-Pambansang Sumbungan, pauwiin na lang ang mga estudyante sa Cebu para makausap ng kanilang Presidente para sa pinal na desisyon.
Hindi naging kuntento si Tulfo sa kasagutan ng eskwelahan kaya’t inilapit din ng BITAG ang reklamo sa Commission on Higher Education (CHED).
Kinumpirma ng CHED na may pananagutan ang unibersidad sa reklamo ng mga estudyante. Hindi rin pumayag ang CHED sa desisyong hindi makagraduate ang estudyante.
Dahil sa kumpirmasyon ng CHED at sa hamon ng ekskuwelahang kausapin ng mga estudyante ang kanilang presidente, lumipad ang BITAG Investigative Team sa Cebu para samahan ang mga nagrereklamo.
Ang resulta ng imbestigasyon at pagbabago ng tono ng inirereklamong aeronautical school ng makaharap ang BITAG, panoorin:
