Apat na mga batang kababaihan ang na-rescue buhat sa isang online sexual exploitation sa isang operasyon ng kapulisan sa Barangay Upper Bicutan, Taguig City.
Sa isang press release ni Philippine National Police-Women and Children Protection Center (PNP-WCPC) chief Col. Portia Manalad, apat na female minors ang nasagip matapos maaresto ang isang Australian suspect na involved umano online sexual exploitation sa Australia.
Ayon pa kay Manalad, mismong ang Australian Federal Police (AFP) ang nagsagawa ng pag-aresto kung saan kanilang nasamsam ang mga seized child sexual abuse or exploitation materials mula sa suspect, kasama na ang litrato ng mga batang Pinay.
“As a result, the AFP coordinated with the PNP for validation, victim location and possible rescue operation,” said Manalad.
Agad naman na dinala ang mga biktima sa WCPC office sa Camp Crame.
Tiniyak pa ni Malalad na hindi sila titigil sa kanilang kampanya laban sa trafficking at exploitation sa mga kababaihan at kabataan.
