PUMUNTA sa tanggapan ng BITAG ang dalawang suspek sa pambubugbog sa isang menor-de-edad sa Pasig City.
Sentro ng atensyon ng BITAG ang pagtulong sa pamilya ni Alyas “Ken”, ito’y matapos mabugbog ang 14-anyos na bata dahil napagbintangan nagnakaw ng gasolina.
Isang linggo mahigit ang menor sa ospital dahil sa brain hemorrhage dulot ng pambubugbog na nangyari.
Ang dalawang sangkot sa pambubugbog ay mag-tiyo pala, isang naturingan na Homeowners’ Association President na kilala sa pangalang Pres. Jun at ang kanyang pamangkin na si “Doi”.
Kung di pa nagpa-BITAG ang pamilya ng biktima, hindi pa lulutang at manghihingi ng kapatawaran ang dalawang kumag na ito.
Literal na kumulo ang dugo ko nang makita ko ang mag-tiyo sa aking tanggapan upang magpaliwanag.
Ang pamangking si “Doi”, sa laki ng katawan – bata ang nakuhang pagdiskitahan.
Dahil daw sa kaniyang kalasingan ay na-upper cut niya ang biktima at ilan pang suntok sa ulo’t sikmura.
Sinong hindi manggagalaiti sa galit, pinagbintangan lamang ang binatilyo na nagnakaw ng gasolina.
Hindi naman ito nahuli sa akto’t basta dinampot ng HOA President at pinagsasapak naman ng kaniyang pamangkin.
Nilagay ang batas sa kanilang kamay. Walang sapat na ebidensya at binase lang ang galit sa hinala.
Walang sinuman ang may karapatang mangbugbog sa mga menor-de-edad, ‘yan ang katotohanan na dapat alam ng publiko.
Hindi ko napagilan ang aking galit, namura ko sa ere ang dalawang at muntik ko na ring patayan ng camera.
Gusto ko man ipatikim ang pambubogbog na ginawa nila kay Alyas Ken, alam kong kailangan nilang managot sa batas at hindi sa kamay ng BITAG. Isang alaala ng pagsampol ang iniwan ko sa dalawa.
Kung anong siga ng dalawa sa video habang binubugbog ang bata, siya namang amo ng mga ‘to nang kaharap na ang BITAG.
Umiiyak pa ito na humingi ng tawad at nagmamakaawang wag nang ituloy ang asunto.
Hindi naman napigilan ng nanay ng biktima na maging emosyonal nang makaharap ang dalawa, huwag na daw subukin ng dalawa na makipag-areglo dahil walang kapantay na halaga ang dinanas ng kanyang anak.
Katuwang ng BITAG ang ACT-CIS Partylist sa isyu na ito, sila ang magsisilbing boses ng mga biktima ng pang-aapi sa kongreso, sisilipin at rerebisahin ang mga butas ng batas.
Babantayan ng BITAG at ng ACT-CIS ang kasong ito, sisiguraduhin na mananagot ang dapat managot.
Sabi ko nga, sa mga tulad nito —- walang are-areglo! Diretso Kalaboso!
Recent News
The Philippine Amusement and Gaming Corporation (PAGCOR) began another massive relief drive in Northern Luzon
Pag-IBIG Fund officially launched the Pag-IBIG Acquired Assets Online Public Auction (OPA) on Friday (November
The Philippine Amusement and Gaming Corporation (PAGCOR) today announced that the local gaming industry’s Gross
Pag-IBIG Fund, in coordination with the Presidential Communications Office (PCO), participated in the Philippine Information
The Philippine Amusement and Gaming Corporation (PAGCOR) formally opened the second leg of the 2024
Pag-IBIG Fund reached new heights as the agency breached the P1-trillion mark in Total Net
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
