BAGAMAT nabayaran na ang sahod ng dalawang army reservists na nagsecure sa isang POGO Executive sa Clark, nanganak ang reklamong ito.
Dumagsa ang mga reklamo sa aming tanggapan laban sa dayuhang Chinese at kumpanya nito. Mga drivers, janitors at mga tea girls – hindi rin binayaran ng sahod.
Anak ng tsekwa! Aba’y notoryus na ang dayuhang ito sa hindi pagpapasahod ng mga manggagawang Pilipino.
Undesirable alien na ang maituturing dito. Mga dayuhang walang pakundangang gumawa ng iligal sa loob ng ating bansa – dapat sinisipa na pabalik sa bansang pinanggalingan.
Dahil dito, nakipag-ugnayan kami sa Bureau of Immigration (BI). Mismong si BI Spokesperson Dana Sandoval, nagpunta sa aming tanggapan bilang panimula ng kanilang imbestigasyon.
Aniya, nakawatag ng kanilang pansin ang kumpanyang pag-aari ng inirereklamong Chinese sa Clark. Kung ito ay POGO, kinakailangang rehistrado sa PAGCOR.
Sa inisyal na imbestigasyon kasi ng BI, hindi ito rehistrado’t lisensiyado. Lalo umano silang nagkainteres nang marinig ang reklamo ng mga army reservists na nagtrabaho bilang security details ng Chinese.
Oportunidad daw ito para sa ahensiya na makadiskubre at makahuli ng iba pang illegal aliens na posibleng nagtatago sa iba’t-ibang panig ng bansa.
Sinabi ni Sandoval na sa kasalukuyan, halos 400 illegal aliens ang nakatakdang ipadeport palabas ng bansa. Habang 48,000 dayuhan na ang nakansela ang mga visa na manatili sa bansa.
Seryoso ang BITAG sa pakikipagtulungan sa BI sa kasong ito. Isa-isang kakausapin ng ahensiya ang mga nagrereklamo para sa iba pang detalye.
*************
Matapos mabayaran ang dalawang army reservists ay personal na nagpaalam sa BITAG ang abogadong nagpakilalang legal counsel noon ng Chinese POGO Executive.
Hands off na raw siya simula sa araw na ‘yun. Sa katotohan daw ay September 2021 pa siya hindi pinapasahod ng dayuhan.
‘Torni naman, ‘wag mong gawing bobo ang BITAG. Hindi ka lalantad sa aming tanggapan para irepresenta ang iyong kliyente kamakailan kung 2021 ka pa hindi pinapasahod.
Pwede mo namang ibulong na lang sa akin na, kumuyos na ang iyong betlog nang malamang pumasok na at nag-iimbestiga na ang Bureau of Immigration.
“Bahala na kayo kung anong gusto niyong gawin kay Rico!” Huling salitang binitawan ni Attorney sa amin.
Recent News
Pag-IBIG Fund, in coordination with the Presidential Communications Office (PCO), participated in the Philippine Information
The Philippine Amusement and Gaming Corporation (PAGCOR) formally opened the second leg of the 2024
Pag-IBIG Fund reached new heights as the agency breached the P1-trillion mark in Total Net
In response to the effects caused by Typhoon Kristine, Pag-IBIG Fund has announced the availability
The Philippine Amusement and Gaming Corporation (PAGCOR) announced today that its revenues for the first
PAGCOR LAUNCHES NEW FLAGSHIP PROJECTS WITH DEPED, DPWH The Philippine Amusement and Gaming Corporation (PAGCOR)
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
