Crime Desk: AKTOR, NAKAPATAY DAHIL SA GIRLFRIEND NA HINIPUAN

November 29, 2022

Tags

Features

Taong 2017, isang indie actor ng mga sexually-oriented films ang nasangkot sa isang kaso matapos pagbubugbugin at mapatay ang isang office supervisor na pinagbintangang nanghipo sa kanyang nobya.

Ang biktima halos mabasag ang bungo sa lakas ng mga suntok ng actor.

Base sa imbestigasyon ng pulisya, papauwi galing trabaho ang 44-anyos na si Frenil Bautista noong November 22, 2017 nang dumaan ito sa isang grocery store sa San Mateo, Rizal para umihi.

Nung mga panahong ‘yun, nandoon din ang indie actor na si Eugene Tejada at live-in partner nitong si Mary Jane Malilin.

Nagsimula raw ang pambubugbog nang magsumbong si Mary Jane sa kanyang nobyo na hinipuan siya ni Frenil.

Sinugod daw ni Eugene sa loob ng C.R. ang biktima at doon ito binugbog.

Ayon sa saksi, hindi raw maawat ang galit nag alit na actor. Tumigil lamang daw ito nang humandusay at nangisay na ang biktima sa sahig ng banyo.

Isinugod sa ospital si Frenil, subalit makalipas ang apat na araw, binawian din ito ng buhay dahil sa matinding pagdurugo sa utak.

Sa pagsusuri ng otoridad sa CCTV ng establishimento, walang nakitang panghihipo sa loob ng grocery store.

“Wala talagang nakita doon na panghihipo. So ang pinagbabasehan lang natin sa bintang sa kanya is by words itself. Statement, testimony lang,” saad ng imbestigador na si SPO1 Wilmer Privado ng San Mateo Police.

Dahil dito, kinasuhan ng homicide ang actor na si Eugene Tejada.

Samantala, hinikayat naman ng otoridad ang publiko na palaging alamin muna ang katotohanan bago gumawa ng anumang aksyon, ganun din na idaan sa tamang proseso o ‘due process’ ang ganitong uri ng kaso.

Balikan ang buong pangyayari sa: