BITAG CLASSIC: SEAMAN, NASALISIHAN NG SALISI GANG

December 10, 2022

Tags

Features

Walang pinipili lugar at oras ang mga kawatan.

Kaya laging paalala ng BITAG, maging maingat, mapanuri at maging paladuda nang huwag mabiktima.

Tulad na lang ng mga dorobong “Salisi Gang”. Mainit sa mata ng mga kawatan na ito ang mga mamahalin at importanteng gamit.

Marunong din silang sumabay sa panahon at teknolohiya. Pinag-aralan at iniispatan lahat ng pwede nilang makuha sa kanilang target na biktima.

Ganito ang istorya ng isang seaman na lumapit sa BITAG matapos masalisihan ng sindikato.

Mula Marinduque, lumuwas siya ng Maynila para asikasuhin ang kanyang mga dokumento. At upang makatipid sa board and lodging, nangupahan siya sa isang bed spacer. Pero ang hindi daw niya alam, roommate pala niya, miyembro ng Salisi gang.

“Dun sa boarding house na tinitirhan ko, may nag-apply na bedspacer din, nag downpayment agad siya ng P1,000” ani ng seaman na si Felipe Agoncillo.

Habang siya ay naliligo, tinangay na daw ng suspek mga mahahalagang dokumento niya gaya ng passport, seaman’s book maging mga kontrata sa barko at ang cellphone.

Ilang araw ang lumipas, nakipag ugnayan ang mga suspek kay Felipe, pinatutubos daw sa kanya ang mga ninakaw na gamit sa halagang P10,000.

Ayon kay BITAG, pinag-aaralan ng mga sindikatong tulad ng salisi gang ang kanilang magiging estilo.

“Hustler ito, makikita mo yung pattern na ginawa sa kanya talagang nag-invest umupa sa isang boarding house para makapag hanap ng biktima” ayon kay Ben Tulfo.

Agad nakipag-ugnayan ang BITAG sa District Police Intelligence Operatives Unit (DPIOU) ng Manila Police District upang ikasa ang patibong laban sa mga suspek.

Panoorin ang Classic BITAG episode na ito: