NASIRANG BAHAY NI LOLO AT LOLA, BAYAD NA NG PHILTRANCO!

December 18, 2022

Tags

Bitag Exclusives

Nakaraang Disyembre 7, 2022, isang magandang balita ang ipinaabot sa BITAG ng 77-anyos na si Jaime Nabor at kanyang anak na si Vivian Mondin.

Binayaran na umano sila ng kumpanyang Philtranco matapos sumalpok sa kanilang bahay ang isa sa mga bus nito sa San Isidro, Northern Samar.

Ayon kay Vivian Mondin, naging matiwasay ang pakikipag-usap nila sa Philtranco at nagkasundo sa halagang 50,000 piso bilang bayad sa nasirang parte ng kanilang bahay.

“Gusto lang po naming magpasalamat sa kay Sir Ben at sa BITAG dahil natulungan po kami na mabayaran ang pagbangga ng PHILTRANCO sa aming bahay. Maiaayos na namin ang nasirang bahay, hindi na po babaha at wala ng tutulong tubig tuwing umuulan. Nagkapatawaran na po kami at humingi na po sila ng dispensa sa nangyari. Salamat po ulit.” pahayag ng anak na si Mondin.

Personal daw na inabot ng General manager ng Philtranco ang cheke sa mag-ama matapos ang kanilang paghaharap sa programang Pambansang Sumbungan: #ipaBITAGmo.

Matatandaang sa investigative public service program na Pambang Sumbungan: #ipaBITAGmo lumapit ang mag-asawang senior citizen dahil tila binabalewala umano sila ng management ng Philtranco pagkatapos mawasak ang parte ng kanilang bahay dull ng pagkakasalpok ng isang provincial bus nito.

Sa paunang imbestigasyon ng pulisya, dahil sa madulas na daan hindi raw nakontrol ng driver ang manibela ng bus kaya ito’y sumalpok sa bahay ng mag-asawang Nabor.

Nagpasaklolo ang mag-asawang Nabor sa nasabing programa na pinangungunahan ni Ben Tulfo upang habulin ang kumpanya ng bus na sumasaga sa kanilang bahay.

Balikan ang buong detalye ng sumbong ni Jaime sa #ipaBITAGmo, panuorin: