‘ABERYA’ SA UNANG ARAW NG MANDATORY SIM CARD REGISTRATION

December 27, 2022

Tags

National News

Hindi kinaya ng server ng mga telephone companies (Telcos) ang dagsa ng mga subscribers na nag-unahan sa unang araw ng SIM (subscriber identity module) card registration ngayong araw, Disyembre 27, 2022.

Sa unang dalawang oras pa lamang ng registration, nag-abiso na ang ilang Telcos na magkakaroon ng glitch o technical problem sa sa pagtanggap ng mga magpapa-rehistro.

Unang nag-abiso ang Globe at Smart ng technical difficulties dahil sa dami ng mga subscribers na nag-unahan sa pagpapatala.

“Due to the high volume of registrants, some subscribers may experience difficulty accessing the SIM registration site. Our technical team is working on increasing capacity,” ayon sa advisory ng Smart Communications Inc.

Sa panayam naman ng Super Radyo dzBB sa corporate communications ng Globe Telecom na si Yoly Crisanto, humingi ito ng paumanhin dahil sa “null” response ng kanilang system sa mga nagpa-register na subscriber.

“Kung matatandaan po natin, ang sinasabi ng batas sa mga Telcos irehistro ang aming mga subscriber. But yesterday, based on the press conference, the government asked for some sort of verification,” paliwanag ni Crisanto.

Ilang oras, naayos din ang pagtanggap ng mga SIM card registration ng Globe, Smart at DITO, pero may ilang subscriber pa rin ang dismayado dahil sa bagal ng server.

Alinsunod sa implementing rules and regulations (IRR) ng Republic Act (RA) 11934 o ang “SIM Card Registration Act”, bibigyan ng anim na buwan ang o 180-days ang mga subscribers na magpa-rehistro. (December 27, 2022 hanggang June 22, 2023)

Pagkatapos ng anim na buwang palugit, pwede ring humingi ng tatlong buwang grace period o extension. Sakaling mapagbigyan, maaaring magpa-rehistro hanggang Oktubre 20, 2023.

Para makapagparehistro, magtungo lamang sa mga link na ito:

DITO Subscribers: https://dito.ph/sim-registration