TATAY PATAY SA PAMAMARIL SA GITNA NG PIYESTA, INSIDENTE, SAPUL SA CCTV!

January 22, 2023

Tags

Features

Sa halip na Father’s Day ay pagluluksa ang sama-samang ginunita ng pamilya Gamboa, Taong 2018. Ang kanilang padre de pamilya, pinaslang sa gitna ng piyesta sa kanilang lugar.

Isang ulirang ama ang kaniyang mister na si Allen Gamboa, ayon sa maybahay na si Janette.

“Mabait naman siya pero sobrang strikto lalo na sa mga anak ko kasi parehong babae yung mga anak ko, dito sa bahay maaasahan mo siya, siya yung naglalaba siya yung nagluluto” kwento ng asawa ng biktima sa BITAG-Crime Desk.

Lumaki mismo si Allen sa Brgy. San Antonio, San Pedro, Laguna kaya naman marami siyang kakilala at kabigan sa kanilang lugar. Libangan daw ng kaniyang mister na tumambay sa tapat ng kanilang tahanan kasama ang mga kaibigan nito.

Wala silang kamalay-malay sa nakaambang panganib sa kanilang padre de pamilya.

Sa kalagitnaan kasi ng kapistahan ng kanilang lugar ay walang awang pinagbabaril si Allen. Ang nangyaring krimen, sapul sa CCTV camera ng barangay.

“Habang nanonood ako ng tv may tumatawag parang ang gulo so ang ginawa ko lumabas ako sa kalsada may nangyari na ngang shooting incident so nung pumunta ako dun sa area wala na yung asawa ko, nadala na siya sa hospital,” pagsasalaysay ni Janette.

Matapos ang ilang oras na pakikipaglaban ng biktima para sa kanyang buhay, tuluyan itong pumanaw noong gabi ng June 13, 2018.

Ang suspek, malapit na kaibigan daw ni Allen. Mabilis itong nakatakas matapos ang pamamaril sa biktima.

Ang motibo ng pamamaslang sa ulirang ama na si Allen, Panoorin sa isinagawang imbestigasyon ng BITAG-Crime Desk: