Sinuspinde na ng Land Transportation Office (LTO) ang lisensya ng motorcycle rider na nakuhanan sa video na nagsakay ng bata sa loob ng isang delivery box.
Sa cellphone video na ini-upload ng isang nangangalang Jeric Cruz at kuha noong February 24, makikita ang kamay ng isang bata na itinataas ang takip ng delivery box ng motorsiklo. Ayon sa rider, anak niya ang nasa utility box.
Matapos ang isinagawang imbestigasyon ng LTO, pinatawan na ng 90-day suspension ang rider na lumabag sa Section A, Title 1 ng Joint Administrative Order 2014-01 na tumatalakay sa pagmamaneho ng walang angkop na lisensiya.
Pinagsusumite rin ng ahensya ang rider ng isang liham upang ipaliwanag kung bakit hindi siya dapat makasuhan ng administratibo dahil sa paglabag sa Section 4 ng Republic Act 10666 (Children’s Safety on Motorcycles Act) ang ginawa ng rider.
Ayon kay LTO Intelligence and Investigation Division Officer-in-Charge Renan Melitante, non-professional license lamang ang pinanghahawakang lisensya ng nasabing rider na hindi naaangkop sa kanyang trabaho bilang isang delivery rider.
Dagdag pa rito, maaaring suspindihin o bawiin din ang kanyang lisensya kung siya ay mapatunayang “improper person to operate a vehicle” alinsunod sa Seksyon 27(a) ng RA 4136, ang Land Transportation and Traffic Code.
Ayon sa LTO, Inatasan nila ang rider na dalhin ang kanyang motorsiklo sa North Motor Vehicle Inspection Center ng ahensya habang isinasagawa ang imbestigasyon.
Recent News
Pag-IBIG Fund, in coordination with the Presidential Communications Office (PCO), participated in the Philippine Information
The Philippine Amusement and Gaming Corporation (PAGCOR) formally opened the second leg of the 2024
Pag-IBIG Fund reached new heights as the agency breached the P1-trillion mark in Total Net
In response to the effects caused by Typhoon Kristine, Pag-IBIG Fund has announced the availability
The Philippine Amusement and Gaming Corporation (PAGCOR) announced today that its revenues for the first
PAGCOR LAUNCHES NEW FLAGSHIP PROJECTS WITH DEPED, DPWH The Philippine Amusement and Gaming Corporation (PAGCOR)
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
