DOH, PINAGHAHANDA SA MGA SAKIT TUWING TAG-INIT

March 28, 2023

Tags

National News

Iminungkahi ng isang mambabatas na dapat paghandaan at palakasin ng Department of Health (DOH) ang kanilang contingency plan na tutugon sa mga sakit na madalas nangyayari sa panahon ng tag-init tulad ng cholera, Zika virus at chikungunya.

Ayon kay Albay representative Joey Salceda ang mga sakit na ito ay maaring maging “hotbed for epidemics” tuwing El Niño season.

“El Niño is a hotbed for epidemics – climate is warmer than usual, and people have less water available” paliwanag nito.

Sinabi rin ng kongresista na bukod sa mga natural calamities na dulot ng tag-init ay asahan din ang mga sakit na maidudulot nito.

“El Niño and La Niña can make extreme weather events more likely in certain areas of the country. It could intensify droughts, floods and storms. So, apart from usual damage due to natural disasters, let us also expect diseases related to these hazards”saad pa ng opisyal.

Mungkahi ni Salceda, sa pamamagitan ng koordinasyon at gabay ng DOH ay maaring tumulong ang mga lokal na pamahalaan sa paglilinis at paghahanda sa banta ng mga sakit na nabanggit.

Samantala, inaabangan rin ng mambabatas na maaprubahan sa Senado ang bersyon niya ng Center for Disease Control and Prevention (CDC) bill sa pagpapatuloy ng sesyon sa Mayo 8.

“The CDC would definitely add institutional muscle to our preparations, especially since El Nino could persist until 2024,” paliwanag ni Salceda.