Pag-decriminalize sa Marijuana, May Tulong sa Ekonomiya

April 20, 2023

Tags

National News

Panukalang batas na House Bill (HB) 6783 o ang “Decriminalize Marijuana Act,” sasalang na sa ikalawang pagbasa sa pagbabalik sesyon muli ng Kamara.

Ang pangunahing may akda ng panukalang batas ay si dating House Speaker at 1st District Davao del Norte Rep. Pantaleon Alvarez.

Kaugnay nito, magsisilbing special guest si Alvarez sa gaganaping 420 Philippines Family Day event sa Amoranto Sports Complex sa Quezon City ngayong Abril 20, upang magbigay ng mensahe.

Ang nasabing event ay bahagi ng selebrasyon sa pag-asa at kalayaan ng mga Pinoy na naniniwala na ang marijuana ay dapat gawing legal sa bansa lalo na kung ito ay gagamitin bilang medisina.

Ayon kay Alvarez, meron itong medical benefits na makakatulong sa maraming may sakit na filipino.

“The legalization of marijuana for medical purposes is long overdue in the Philippines. It has been proven to have numerous medical benefits and can provide relief to countless Filipinos who have been struggling with various illnesses,” ani Alvarez.

Binigyang diin ni Alvarez ang benepisyo sa ekonomiya kung gagawing legal ang marijuana sa bansa, lilikha ito ng trabaho at dagdag kita.

“Legalizing marijuana can also provide a much-needed economic boost for the country. The establishment of marijuana plantations can create employment opportunities and bring in additional revenue for the national and especially at the local governments”, paliwanag ni Alvarez.