Kuha Pati Pagligo: CCTV ng Barangay, Ala-PBB House ni Kuya

April 28, 2023

Tags

Bitag Exclusives

“Para po kaming PBB house eh, nakamonitor lang kami doon e. ‘Pag naliligo po kami minsan, kapag naghihilod, mahihiya ka po kasi nakamonitor ka. ‘Yung privacy po namin, nalalabag nila, ” reklamo ni Junmark Guarin, residente ng Brgy. 842, Zone 92, Pandacan Manila.

Sumbong ni Junmark sa #ipaBITAGmo, sadyang itinutok ng Barangay Chairman na si Kap. Celso Esteban ang CCTV ng Barangay sa kaniyang bahay.

Sinubukan umano ni Junmark na pakiusap si Kap. Esteban na ibahin ang posisyon ng CCTV ng Barangay upang hindi mahagip ang kaniyang paliligo subalit hindi pumayag si Chairman.

Habang ini interview ang nagrereklamo sa programang #ipaBITAGmo, napag-alamang nagsimula ang problema matapos demanda ni Junmark si Kap. Esteban.

Binatukan umano ni Kapitan ang anak ni Junmark na isang menor de edad.

Depensa ni Kap, maraming kabataan ang tumatambay at nag-iinuman magdamag sa lugar ng bahay ni Junmark. Dahil dito, nagrereklamo ang mga kapitbahay ni Junmark na karamihan ay mga senior citizen dahil sa ingay at istorbo.

Dagdag pa ni Kap, mga pulis mismo ang nagrekomendang lagyan ng CCTV ang spesipikong lugar upang mabantayan tuwing may kaguluhan.

“Madaling solusyunan. Bumili ka [Junmark] ng kurtina, tapos gumawa ka ng alambre, at do’n mo isabit ‘yong kurtina,” pabirong payo ni Ben Tulfo.

Nangako rin naman ang inirereklamong si Kap. Esteban na bibilhan niya ng kurtina si Junmark bilang isa sa mga solusyon ng sumbong.

Ang totoong solusyon at paghambalos ng BITAG kay Kap, panoorin