-29 ng Pebrero, taong kasalukuyan, tumakas ang 27-anyos na si Shiela Mae Pascua sa bahay ng kaniyang recruiter sa Fairview, Quezon City.
Sumbong ni Shiela, mula Cagayan Valley ay nakilala niya si “Monalisa,” nagpakilalang ahente ng isang recruitment agency sa Maynila.
Ayon kay Shiela, inalok siya ni Monalisa na magtrabaho sa Kuwait bilang domestic helper.
“Grade 6 lang ang natapos ko kaya napakahirap maging magsasaka ng mais, kaya naengganyo ako na mag-abroad para gumanda naman ang buhay namin.”
Dagdag ni Shiela, dinala siya ni Monalisa sa isang bahay sa Quezon City kung saan nakilala niya ang iba pang aplikante na mula din sa iba’t-iban probinsiya.
Sa isang video na ipinakita sa BITAG ni Shiela, tila mga sardinas na nagsisiksikan sa dami ang mga babaeng kasamahan niya sa bahay.
“Training daw namin ‘yun, para handa kami sa pagtatrabaho namin sa abroad. Pero hindi ko na kinaya ang mga pinapagawa niya kaya tumakas na ako,” sumbong ni Shiela sa #ipaBITAGmo.
Umabot ng 11-buwan si Shiela sa bahay na tinatawag umanong “accommodation.” Hindi umano nakatikim ng sahod si Shiela at kaniyang mga kasamahan.
Paliwanag ng BITAG resident lawyer na si Atty. Melanio “Batas” Mauricio Jr., “itinuturing na human trafficking sa batas na Anti-Trafficking in Persons Act of 2003 ang anumang pagkuha o recruitment, ang pagdadala sa ibang lugar, pati na rin ang forced labor na nangyari. Hiwalay na kaso pa ang hindi pagbibigay ng sahod. Dapat nang kasuhan sila nang todo nang hindi na makalabas pa ang mga taong ‘yan.”
Sa pakikipag-ugnayan ng BITAG kay Quezon City Police District Police Station 5 (QCPD PS 5) sa Fairview, Quezon City, tutulungan nila ang biktimang si Shiela na makuha ang kaniyang mga gamit sa accommodation.
“Makikipag-coordinate po kami sa barangay captain para i-assist ang pulis natin at samahan siya kung sakaling may kasama pa siya doon at para matulungan siyang makuha ang kanyang mga gamit,” saad ni PLTCOL. Elizabeth Jasmin, station commander ng QCPD PS 5 Fairview.
Kasalukuyan, ligtas ng nakauwi si Shiela pabalik sa Cagayan Valley at kasama na ng kaniyang pamilya.
Ang buong imbestigasyon at aksiyon ng BITAG sa sumbong na ito, panoorin:
Recent News
Pag-IBIG Fund officially launched the Pag-IBIG Acquired Assets Online Public Auction (OPA) on Friday (November
The Philippine Amusement and Gaming Corporation (PAGCOR) today announced that the local gaming industry’s Gross
Pag-IBIG Fund, in coordination with the Presidential Communications Office (PCO), participated in the Philippine Information
The Philippine Amusement and Gaming Corporation (PAGCOR) formally opened the second leg of the 2024
Pag-IBIG Fund reached new heights as the agency breached the P1-trillion mark in Total Net
In response to the effects caused by Typhoon Kristine, Pag-IBIG Fund has announced the availability
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
Mezzanine Floor Richwell Center
102 Timog Avenue, Quezon City
Philippines 1103
In 2016, the company became a corporation. Started as a television production outfit in 2002, BMUI evolved from one television show titled “BITAG”.
