Maagang natanggal sa opening round ng W60 Chiasso sa Switzerland noong Myerkules ang pambato ng Pilipinas sa Tennis na si Alex Eala.
Dinomina ng Romanian Veteran na si Alexandra Cadantu-Ignatik ang laban sa scores na 6-0, 6-2. Sinubukan pang humabol ni Eala ngunit nabigo ito.
Dahil dito, susunod na makakatapat ni Cadantu-Ignatik si Elina Svitolina ng Ukraine.
Nitong Martes, maaga ding na-eliminate sa doubles competition si Eala kasama ang kanyang partner na si Barbora Palicova ng Czech Republic sa scores na 6-3, 4-6, 13-11 kontra sa fourth seed partners na sina Anna Siskova ng Czech Republic at ang Indonesian veteran na si Beatrice Gumulya ng Indonesia.
Mananatili ang 17-anyos na Pinoy athlete sa Switzerland upang paghandaan ang kanyang susunod na torneyo sa Raiffeisen Bellinzona Ladies Open 2023.
