Aabante sa main draw ang Filipino Tennis player na si Alex Eala matapos nitong makalusot sa qualifying rounds ng Thailand open na ginanap sa Hua Hin kahapon, Jan. 30.
Dinispatsa ng 17-anyos na si Eala ang No. 9 seed na si Kristina Dmitruk ng Belarus sa iskor na, 6-2, 7-5, sa second round ng qualifiers.
Subalit bago pa ito, una nang sinibak ni Eala sa first round ang beteranong si Xinyun Han ng China, 6-1,7-6, (7-6).
Makakalaban ni Eala ang German Tennis player na si Tatjana Maria sa main draw na may premyong $250,000 kung saan top seed si Bianca Andreescu ng Canada.
Ito ang ikatlong pagkakataon na lalaro sa main draw ang US Open girls champion sa torneyo ng Women’s Tennis Association (WTA).
Dito, nakatakdang bumawi ang Rafa Nadal Academy scholar matapos ang maagang eksit sa qualifying round ng 2023 Australian Open noong Jan. 9 kung saan tinalo siya ni Misaki Doi ng Japan.
