Bilang bahagi ng pagpapaigting kontra illegal activities, inanunsyo ng Philippine Amusement and Gaming Corporation (PAGCOR) ang bagong regulatory framework na ipapatupad ng ahensya sa mga offshore gaming licensee.
Sa isinagawang Senate Committee hearing noong nakaraang linggo, sinabi ni PAGCOR Assistant Vice President for Offshore Gaming Licensing Atty. Jessa Fernandez na simula Hulyo 2023 lahat ng mga license holder at service provider ay ikukunsiderang under probationary status. Ibig sabihin, kailangan nilang mag-re-apply hanggang Setyembre 17 ngayong taon.
“In the present framework, all Service Providers who are accepting bets are required to apply for a license. We will also evaluate the beneficial owners of these companies so that they will be held liable in case they are found to be involved in any illegal activity,” saad ni Fernandez.
“Entities with findings of activities outside their granted license or accreditation will not be granted a license under the new framework. Likewise, licensees or service providers who shall not re-apply or were granted license within the given period shall be endorsed for cancellation,” dagdag pa ng opisyal.
Bukod sa pagpapatupad ng bagong regulatory framework para sa offshore gaming, ipinaliwanag rin ni Fernandez na nakikipagtulungan na ang PAGCOR sa iba’t ibang ahensya ng gobyerno at law enforcement agency hinggil sa pagpapatayo ng mga tanggapan sa loob ng mga accredited hub.
Magpapatupad rin ng mas mahigpit na parusa ang ahensya sa mga tiwaling licensed offshore gaming operators and accredited service providers.
Maliban sa bagong reporma, ipinatutupad na rin ng PAGCOR ang mga sumusunod:
- Pinaigting na inspeksyon at berepikasyon kung sumusunod sa mga regulasyon ang mga offshore gaming licensees and service providers
- Pagsusumite ng mga report sa mga enforcement agency ng gobyerno para sa imbestigasyon at beripikasyon.
- Pagpapaunlad ng coordination sa mga pangunahing ahensya ng gobyerno.
- Mas mahigpit na implementasyon ng regulasyon at pagpapatupad ng mas mabigat na parusa sa mga licensees at services providers na lalabag sa mga regulasyon ng PAGCOR.
