Natagpuan sa basurahan ng isang compound sa bayan ng Baggao, Cagayan ang lalaking sanggol na wala nang buhay at sunog ang kalahating katawan.
Ayon kay Police Captain Jackelyn Urian, Deputy Chief of Police ng PNP Baggao, isang landlady ang nagbigay impormasyon sa pulisya hinggil sa nakita nitong sanggol na unay napagkamalang manika.
Idinagdag pa ni PCapt. Urian na bago pa matagpuan ng landlady ang sanggol sa basurahan ay may nakita ito na tila nagsusunog malapit sa basurahan kung saan nakita ang sanggo noong gabing iyon.
Kaugnay nito, nang mag-lilinis sana ang landlady kinaumagahan ay inakala niyang manika lamang ang nasa basurahan ngunit ng tignan niya ito ay tumambad ang bangkay ng sanggol.
Sa ngayon ay nakatakdang sumailalim sa autopsy ang bangkay ng sanggol.
Samantala, mayroon nang pitong person of interest na iniimbestigahan ng PNP Baggao na posibleng sangkot sa pagtatapon sa bagong silang na sanggol.
