Tuloy pa rin ang aktibidades sa bansa ng mga sindikatong nasa likod ng human trafficking.
Sa paglipas ng panahon, naging mapamaraan ang mga sindikato na maisagawa ang kanilang krimen.
Ilan sa kanila, nagagawang makipagsabwatan sa mga immigration officers ng mga paliparan.
Kamakailan, nabunyag sa Senado ang human trafficking operation ng mga Chinese mafia na bumibiktima sa mga Pilipino upang gawing cryptocurrency scammer sa Cambodia.
Sa imbestigasyon ng mga otoridad, nasangkot ang ilang ahente ng Bureau of Immigration.
Kaya naman, patuloy na pinag-iingat ang publiko. Tiyaking dumadaan sa legal na proseso ang paga-apply at pamamasukan sa ibayong-dagat.
Ang mga kaso ng human trafficking ay hindi na bago sa BITAG.
Sa 21-taon industriya ng public service at imbestigasyon sa telebisyon, iba’t-ibang klase ng kalsong human trafficking ang natrabaho na ng BITAG.
Taong 2012, nang lumapit sa BITAG ang dalawang ginang, ang kanilang mga anak na babae nabiktima ng human trafficking.
Nirecruit daw ang kanilang mga anak na maging waitress sa Malaysia. Subalit pagdating sa Malaysia, napilitan silang magbenta ng laman o maging prostitute.
Nakipag-ugnayan ang BITAG sa Department of Justice (DOJ) Inter-Agency Council Against Trafficking (IACAT) upang agarang mai-rescue ang mga biktima.
Sa pagi-imbestiga ng IACAT, nadiskubreng sangkot din ang ilang uniformed personnel ng Malaysia sa operasyon ng nasabing kaso ng human trafficking.
Panoorin ang isinagawang pagrescue IACAT at BITAG sa mga biktima ng human trafficking sa Malaysia:
