Sanib-pwersa and Department of Agriculture at Department of Social Welfare and Development sa pagpapatupad ng food stamp program.
Sa isang panayam kay Agriculture Spokesperson Kristine Evangelista, sinabi nito na magtutulong ang dalawang ahensiya para sa Kadiwa program ng DA.
“Ang Kadiwa ay may bahaging gagampanan sa food stamp. Kami po ay patuloy na nakikipag-usap sa DSWD para sa rollout nito dahil nakita nating isa itong oportunidad para sa ating magsasaka kasi lagi naman, we bring our farmers directly to consumers,” ani Evangelista
Ayon pa kay Evangelista, parte ito ng kanilang hangarin na maparami pa ang Kadiwa Centers na siyang utos ni Pangulong Ferdinand Marcos, Jr.”Pati ang ating mga LGUs kausap na natin, pararamihin din natin ang mga ahensya ng gobyerno kung saan tayo nagcoconduct ng Kadiwa. Kadalasan kasi yan payday Kadiwa so we already have agencies na magka-Kadiwa sa July 1,” dagdag ni Evangelista.
