Isang pulis at umano’y kalaguyo nito ang inaresto ng mga pulis matapos silang mahuli ng kanyang asawa, isa ring pulis, sa loob ng isang inn sa bayan ng Talibon, Bohol noong Martes.
Ayon sa mga awtoridad, ang asawa ng pulis na babae ang naging complainant at hiniling sa pulisya ng Talibon na arestuhin ang kanyang asawa at ang sinasabing kalaguyo nito.
Ang mga naaresto ay isang 38-anyos na police corporal mula sa Tipolo, Mandaue City at ang 28-anyos na patrolwoman, residente ng Barangay Poblacion, Talibon. Parehong nakatalaga sa Police Regional Office (PRO)-7.
Ayon sa imbestigador ng Talibon Police Station na si Police staff Sergeant Rodel Garcia, naghinala ang mister na may karelasyon ang kanyang misis dahil sa training nito ay may narinig itong mga kuwento tungkol sa pakikipagkita nito sa iba.
Dagdag pang sinabi ni Garcia na nakumpirma ang hinala ng mister nang may tumawag sa kanyang misis noong Lunes ng gabi.
Ang dalawang pulis ay pansamantalang nakakulong sa Talibon Police Station.
